09.10.2026 | 12:35
Լուկաշենկոն հույս ունի, որ Հայաստանը 2029 թվականին կստանձնի ԱՊՀ նախագահությունը
Իսրայելի նախագահը հայտարարել է, որ Ուկրաինային ՀՕՊ համակարգերի մատակարարման սահմանափակումներ կան
Քաղաքականություն
27.10.2022 | 17:19
Իսրայելի նախագահ Իսահակ Հերցոգը CNN-ին տված հարցազրույցում հայտարարել է, որ սահմանափակումներ կան Ուկրաինային որոշակի ՀՕՊ համակարգերի մատակարարման հարցում, սակայն հավելել է, որ Իսրայելը պատրաստ է մատակարարել ոչ մահաբեր արտադրանք։
«Կան զենքեր, որ մենք նույնիսկ չունենք դրանց արտահանման տարբերակը։ Կան բաներ, որ մենք չենք ուզում՝ հայտնվեն մեր թշնամիների ձեռքում։ Կան գաղտնիքներ, որոնք չենք կարող փոխանցել։ Բայց որտեղ մենք կարող ենք օգնել, փորձում ենք անել դա»,- ասել է Հերցոգը։
Նա նաև նշել է, որ Իսրայելը «վերլուծում է իրավիճակը», երբ խոսքը վերաբերում է հակամարտությունում իրանական արտադրության անօդաչու թռչող սարքերի՝ ռուսական կողմից կիրառմանը։
Ուկրաինայի նախագահ Վլադիմիր Զելենսկին ավելի վաղ ասել էր, որ Ռուսաստանը մինչ այժմ օգտագործել է իրանական արտադրության շուրջ 400 անօդաչու թռչող սարք՝ խաղաղ բնակչության և ենթակառուցվածքների վրա հարձակվելու համար։
Էմմա Չոբանյան
