03.07.2026 | 15:19
Գռեհիկ ռեպլիկներ են անում, պետք է կանխատեսեն, որ դա կարող է վերածվել ավելի մեծ բաների. Ավինյան. ՏԵՍԱՆՅՈՒԹ
«Ձեռքեր կտրող», «ոչնչացնող» Վլադիմիր Գասպարյանն ու պարզապես ամոթանք տվող Վալերի Օսիպյանը. ոստիկանապետերի հռետորաբանությունը փոխվել է, իսկ գործելաո՞ճը. ԵզրաԿԱՑՈՒԹՅՈՒՆ
Հաղորդաշարեր
01.06.2018 | 19:58
Ոստիկանության աքլիլլեսյան գարշապարը ճանապարհային բաժինն է: Այստեղ մշտապես ոստիկանապետերը դժգոհել են կոռուպցիայից, հրահանգներ տվել, սպառնացել, բայց խնդիրը մնում է նույնությամբ:
Ոստիկանապետ նշանակվելուց անմիջապես հետո Վալերի Օսիպյանը խորհրդակցություն անցկացրեց ճանապարհային ոստիկանությունում: Մի քանի ցուցումներ տվեց ու հիմնական խոսքն ուղղված էր ոլորտում կոռուպցիան վերացնելուն: Ճոռոմ բառեր չասաց, այլ միայն՝ որ չի կարողանա նայել կոռուպցիոներ ոստիկանի ծնողների, զավակների ու կանանց աչքերի մեջ:
Նույն ՃՈ-ի հետ դեռ 2016թ. հունվարյան խորհրդակցության ընթացքում այդ ժամանակվա ոստիկանապետ Վլադիմիր Գասպարյանն ավելի խիստ ձևակերպումներով էր հանդես գալիս՝ «ձեռքները կկտրեմ», «կոչնչացնեմ» և այլն: Ու չնայած այդ ծայրահեղական ելույթներին, կոռուպցիան համակարգից չմաքրվեց: Վալերի Օսիպյանի ելույթը ցույց է տալիս, որ Վլադիմիր Գասպարյանի հոխորտալից տոնը ոչնչի չի բերել:
Այժմ, ինչպես երևում է, ոստիկանապետերի հռետորաբանությունը փոխվել է, իսկ գործելաո՞ճը:
Տեսանյութում Վլադիմիր Գասպարյանի «ջղային» և Վալերի Օսիպյանի «մեղմ» ելույթներն են:
