09.10.2026 | 15:35
Երևանում սպասվում են կարճատև անձրևներ
Ուկրաինայի Խմելնիցկի շրջանում խաչքար է տեղադրվել՝ ի հիշատակ հայ և ուկրաինացի ժողովուրդների անմեղ զոհերի․ ԼՈւՍԱՆԿԱՐՆԵՐ
Քաղաքականություն
25.10.2022 | 22:57
Ուկրաինայի Խմելնիցկի շրջանի Շեպետովկա բնակավայրում հայկական խաչքար է բացվել՝ ի հիշատակ հայ և ուկրաինացի ժողովուրդների անմեղ զոհերի։
Հուշարձանը օծել է Հայ Առաքելական եկեղեցու Ուկրաինայի թեմի առաջնորդ Մարկոս եպիսկոպոս Հովհաննիսյանը։
Միջոցառմանը ներկա են եղել Ուկրաինայում ՀՀ արտակարգ և լիազոր դեսպան Վլադիմիր Կարապետյանը և Շեպետովկայի ռազմաքաղաքացիական վարչակազմի ղեկավարը, Հռոմի կաթոլիկ եկեղեցու և Ուկրաինայի ուղղափառ եկեղեցու ներկայացուցիչներ, տարածաշրջանի հայկական համայնքների ղեկավարներ, այդ թվում՝ Խմելնիցկիի հայ համայնքի ղեկավար Սուրեն Ավագյանը։
Նշենք, որ Ուկրաինայի հայերի միության ղեկավար Վիլեն Շատվորյանի նախաձեռնությամբ 2015 թվականից Ուկրաինայի բոլոր շրջաններում արդեն տեղադրվել են չորս տասնյակ նման խաչքարեր։ Բոլորը նվիրված են հայ և ուկրաինացի ժողովուրդների անմեղ զոհերի հիշատակին։
