09.10.2026 | 14:33
Վաղվանից ուժի մեջ կմտնեն Հայաստանի համար ԵՄ առևտրային արտոնությունները
Կրեմլը կարծում է, որ Թուրքիան չի չարաշահի իր դիրքը՝ գազի վճարումները հետաձգելու համար
Քաղաքականություն
25.10.2022 | 19:44
Թուրքիան հիմա ռուսական գազի խոշորագույն ներկրողներից է։ Այս մասին հայտարարել է ՌԴ նախագահի մամուլի խոսնակ Դմիտրի Պեսկովը։ Նա վստահ է, որ Անկարան չի չարաշահի իր դիրքը՝ գազի վճարումների համար զեղչեր և տարկետումներ ստանալու համար, գրում է Կոմերսանտը։
Ըստ Պեսկովի՝ Թուրքիան Արևմուտքից տարբերվող դիրք է զբաղեցնում։ Նա նշել է, որ Թուրքիան պահպանում է իր միջնորդական ծառայությունների օգտագործման հնարավորությունը, ինչպես նաև չի միացել Արևմուտքի պատժամիջոցներին։
«Եվ այս առումով, դա բարենպաստ է ինչպես թուրք ժողովրդի, այնպես էլ մեր երկկողմ հարաբերությունների տեսանկյունից»,- ասել է Պեսկովը՝ նշելով, որ գազի մատակարարման հետ կապված հարցերը գտնվում են «բարձրագույն և աշխատանքային մակարդակներով շփումների օրակարգում»։
«Կա գազի առևտրի համաշխարհային կոնյունկտուրա և, իհարկե, ոչ ոք չի պատրաստվում դուրս գալ բանականության սահմաններից։ Մեր թուրք գործընկերները դա հասկանում են, մենք՝ նույնպես»,- հավելել է Պեսկովը։
Խոսելով Թուրքիայում գազային հանգույցի նախագծի մասին՝ նա ասել է, որ դրա ստեղծման մանրամասները մշակվում են։
Հավելենք, որ ավելի վաղ Թուրքիայի ֆինանսների նախարար Նուրեդդին Նեբաթին հայտարարել էր, որ Անկարան ցանկանում է ռուսական գազի համար զեղչ ստանալ և դիմել է «Գազպրոմ»-ին վճարումները հետաձգելու հնարավորության հարցով։
Էմմա Չոբանյան
