16.09.2026 | 17:11
Գազայում շենքի փլուզման հետևանքով առնվազն 20 պաղեստինցի է զոհվել, տասնյակ մարդիկ փլատակների տակ են․ ՏԵՍԱՆՅՈՒԹ
Անկարան հայտարարել է, որ ՌԴ-ի հետ հարաբերությունները չեն խախտում միջազգային ֆինանսական համակարգի նորմերը
Քաղաքականություն
25.10.2022 | 21:46
Թուրքիայի և Ռուսաստանի ֆինանսական կապերն օրինական բնույթ ունեն, երկրների միջև ձևավորվել են «բարիդրացիական հարաբերություններ» տնտեսական ոլորտում։ Այս մասին հայտարարել է Թուրքիայի ֆինանսների նախարար Նուրեդդին Նեբաթին Financial Times-ին տված հարցազրույցում, գրում է ՏԱՍՍ-ը։
Նա նշել է, որ ընդդիմադիր տարրերը Թուրքիայի ներսում ու նրա սահմաններից դուրս «միտումնավոր հարցեր են բարձրացնում» ՌԴ-ի հետ ֆինանսական կապերի վերաբերյալ։
«Թուրքիան գործում է զգուշավոր միջազգային ֆինանսական համակարգի շրջանակում։ Նա իրեն այնպես չի պահի, որը կհանգեցնի միջազգային ֆինանսական համակարգի խախտումների։ Մենք հստակեցնում ենք՝ մեզ մոտ ամեն ինչ գալիս է օրինական ճանապարհով»,- ասել է Նեբաթին։
Հավելենք, որ Արևմուտքի մի շարք երկրներ բազմիցս մտահոգություն են հայտնել, որ Անկարան օգնում է Մոսկվային պատժամիջոցները շրջանցելու հարցում։
Ի դեպ, նախորդ շաբաթ Ֆինանսական հանցագործությունների գծով ԱՄՆ ֆինանսների նախարարի օգնական Էլիզաբեթ Ռոզենբերգի գլխավորությամբ ամերիկյան պատվիրակությունը Թուրքիայի իշխանությունների հետ քննարկել էր Անկարայի կողմից ՌԴ-ի դեմ պատժամիջոցների պահպանման հարցը։
Էմմա Չոբանյան
