08.06.2026 | 10:57
Ընտրատեղամասի հարակից տարածքում դանակահարության դեպքով վարույթ է նախաձեռնվել սպանության հոդվածով
Անկարան ՌԴ-ից գազի գնի զեղչեր և վճարումների հետաձգում է պահանջում
Քաղաքականություն
25.10.2022 | 14:37
Անկարան Ռուսաստանից գազի գնի զեղչ է պահանջում, ինչպես նաև վճարումների հետաձգում։ Այս մասին Financial Times-ին տված հարցազրույցում հայտարարել է Թուրքիայի ֆինանսների նախարար Նուրեդդին Նեբաթին։
Նրա խոսքով՝ թուրքական կողմն «ակտիվ պնդում է» Ռուսաստանից գնվող գազի զեղչ տրամադրելու հարցում։
«Թուրքիան նաև խնդրում է «Գազպրոմին» վճարման հետաձգման հնարավորության մասին»,- հավելել է թուրք նախարարը։
Հոկտեմբերի սկզբին Bloomberg-ը գրել էր, որ Թուրքիան խնդրել է Ռուսաստանին հետաձգել 2024 թվականի գազի դիմաց վճարումները։
Սեպտեմբերի կեսերին Վլադիմիր Պուտինն ու Ռեջեփ Թայիփ Էրդողանը պայմանավորվել էին, որ Թուրքիան գազի մատակարարումների 25 տոկոսի համար կվճարի ռուբլով։ Իսկ հոկտեմբերի 12-ին, ելույթ ունենալով ռուսական էներգետիկայի շաբաթում, Պուտինն առաջարկել է «Հյուսիսային հոսքից» տարանցումը վերաուղղել դեպի Սև ծովի տարածաշրջան և ստեղծել Թուրքիայի ամենամեծ գազային հանգույցը՝ Եվրոպա գազ մատակարարելու համար: Էրդողանն իր հերթին հայտարարել էր, որ հանձնարարել է արագ սկսել այդ գաղափարի ուղղությամբ աշխատանքը։
Տաթև Ֆռանգյան
