28.09.2026 | 23:18
Հայաստանի մի շարք հասցեներում էլեկտրաէներգիայի անջատումներ կլինեն
Կոռուպցիոն սկանդալի արդյունքում Իսպանիայի կառավարությունը հրաժարական է տվել․ նոր վարչապետ է ընտրվել Պեդրո Սանչեսը
Քաղաքականություն
01.06.2018 | 14:41
Կոռուպցիոն սկանդալի արդյունքում Իսպանիայի կառավարությունը հրաժարական է տվել: Ընդդիմադիր սոցիալիստների առաջնորդ Պեդրո Սանչեսն ընտրվել է նոր կառավարության ղեկավար. փոխանցում է regnum.ru-ն:
Կառավարությանն անվստահություն հայտնելու հարցով խորհրդարանում այսօր տեղի ունեցած քվեարկության արդյունքում 180 պատգամավոր կողմ է քվեարկել, 169-ը՝ դեմ, մեկ պատգամավոր ձեռնպահ է մնացել:
Տեղական ԶԼՄ-ների փոխանցմամբ Իսպանիայի նախկին վարչապետ Մարիանո Ռախոյը հրաժարվում էր հեռանալ պաշտոնից՝ պնդելով, թե անձամբ չի մասնակցել մեքենայություններին և ոչ էլ տեղյակ է եղել, սակայն, խորհրդարանի որոշումից հետ նշել է, որ որպես դեմոկրատ ընդունում է խորհրդարանի որոշումը. « Ինձ համար պատիվ էր նախագահել խորհրդարանը և հանձնել ավելի լավ Իսպանիա, քան ընդունել եմ: Թող ներեն ինձ բոլոր նրանք, ովքեր ինձնից նեղացել են: Շնորհակալ եմ բոլորից»:
