01.07.2026 | 02:54
ԱԱ-2026. Ֆրանսիան խնդիրներ չունեցավ, Մբապեի դուբլը. ՏԵՍԱՆՅՈՒԹ
Ալիևը հայտարարել է, որ Ղարիբաշվիլիի հետ քննարկել է Բաքու-Թբիլիսի-Երևան ձևաչափով համագործակցության հնարավորությունը
Քաղաքականություն
24.10.2022 | 15:08
Ադրբեջանի նախագահ Իլհամ Ալիևն այսօր աշխատանքային այցով ժամանել է Վրաստան, գրում են տեղական լրատվամիջոցները։
Ուշագրավ է, որ Ալիևը վերջին անգամ այցով Վրաստանում եղել է 2015 թվականին՝ չնայած վրացի բարձրաստիճան պաշտոնյաների՝ Բաքու բավական հաճախակի այցերին։
Մցխեթի շրջանի Մուխրանի ամրոցում տեղի է ունեցել Վրաստանի և Ադրբեջանի ղեկավարների առանձին հանդիպումը, որից հետո նրանք հանդես են եկել մամուլի համար հայտարարությամբ։
Ալիևը նշել է, որ Իրակլի Ղարիբաշվիլի հետ քննարկել են Հարավային Կովկասում Բաքու-Թբիլիսի-Երևան ձևաչափով համագործակցության հնարավորությունը։
«Եթե Հայաստանը պատրաստ է այդ համագործակցությանը, մենք էլ ենք պատրաստ»,- ասել է նա։
Ալիևը նաև Ղարիբաշվիլիին տեղեկացրել է Հայաստանի հետ բանակցությունների մասին, կողմերը քննարկվել են տարածաշրջանի անվտանգության հարցեր։
Ի դեպ, Ալիևը, դարձյալ հետևելով ադրբեջանական թեզին, նշել է, թե «հուսով է՝ Հայաստանը կամք կդրսևորի ու կստորագրի խաղաղության պայմանագիրը՝ հիմնված Բաքվի պահանջների վրա»։
Էմմա Չոբանյան
