14.09.2026 | 23:23
Պապիկյանի գլխավորած պատվիրակությունն աշխատանքային այցով մեկնել է Չինաստան
Ուկրաինայի յոթ շրջաններում էլեկտրաէներգիայի ժամանակավոր անջատումներ են
Քաղաքականություն
24.10.2022 | 15:49
Ուկրաինայի Խարկովի, Պոլտավայի, Սումիի շրջաններում այսօր էլեկտրաէներգիայի ժամանակավոր անջատումներ են։ BBC-ի ռուսական ծառայության փոխանցմամբ՝ հոսանքազրկումներ կգրանցվեն նաև մայրաքաղաք Կիևում և Կիևի, Չեռնիգովի, Չերկասի, Ժիտոմիրի շրջաններում:
Տեղեկացվում է, որ անջատումներն անհրաժեշտ են՝ էլեկտրացանցերի ծանրաբեռնվածությունը նվազեցնելու համար. դա ժամանակ կտա վերանորոգել գնդակոծության հետևանքով վնասված սարքավորումները:
Հիշեցնենք, որ վերջին շաբաթների ՌԴ-ն հարվածներ է հասցնում Ուկրաինայի էներգետիկ ցանցին։ Ուկրաինայի էներգետիկայի նախարար Գերման Գալուշչենկոն ասել է, որ ռուսական հարվածներից, ընդհանուր առմամբ, վնասվել է երկրի էներգետիկ ենթակառուցվածքի 30-40 տոկոսը, պատճառված վնասը միլիարդավոր դոլարների է հասնում:
Իշխանությունները բնակիչներին կոչ են անում հնարավորինս քիչ էլեկտրաէներգիա սպառել՝ համակարգի կարողությունները խնայելու համար: Մի շարք շրջաններում հովհարային անջատումներ են:
Տաթև Ֆռանգյան
