31.10.2026 | 19:15
Ավարտեցինք COP17-ը՝ Հայաստանի և աշխարհի համար պատմական նշանակություն ունեցող արդյունքներով. ՇՄ նախարար
Ուկրաինան ավելի հաջող է պայքարում իրանական ԱԹՍ-ների դեմ․ բրիտանական հետախուզություն
Քաղաքականություն
24.10.2022 | 13:45
Մեծ Բրիտանիայի Պաշտպանության նախարարությունն Ուկրաինայի պատերազմի այսօրվա ամփոփագրում նշում է, որ ուկրաինական հակաօդային պաշտպանության ուժերը գնալով ավելի հաջող են պայքարում իրանական կամիկաձե անօդաչուների դեմ, որոնք կիրառում է Ռուսաստանը, գրում է DW-ի ռուսական ծառայությունը։
Ներկայացնելով հետախուզության տվյալները՝ նշվում է, որ Ուկրաինային հաջողվում է վնասազերծել գործարկված բոլոր անօդաչու թռչող սարքերի մինչև 85 տոկոսը։
«Այդ անօդաչուները դանդաղ են, աղմկոտ ու թռչում են ցածր բարձրությամբ, դրա համար մեկ անօդաչու թռչող սարքը հեշտ թիրախ է ՀՕՊ համակարգերի համար։ Ռուսաստանը, ամենայն հավանականությամբ, գործի է դրել մեծ քանակությամբ իրանական «Շահեդ»-ներ՝ դրանք օգտագործելով որպես փոխարինող սեփական արտադրության հեռահար գերճշգրիտ հրթիռներին, որոնք գնալով պակասում են»,- ասվում է հաղորդագրության մեջ։
Էմմա Չոբանյան
