10.10.2026 | 21:37
Կանանց Հայաստանի հավաքականը ոչ-ոքի խաղաց Ինդոնեզիայի հետ
Փոխվարչապետի գրասենյակի ղեկավար է նշանակվել Սերժ Վարագ Սիսեռյանը. Տիգրան Ավինյան
01.06.2018 | 13:49
ՀՀ փոխվարչապետ Տիգրան Ավինյանը ֆեյսբուքի իր էջում լուսանկար է հրապարակել ու ներկայացրել փոխվարչապետի գրասենյակի ղեկավարին՝ Սերժ Վարագ Սիսեռյանին:
«Արդեն պաշտոնապես նշանակված կարգավիճակով ձեզ եմ ներկայացնում իմ թիմի կարևորագույն շարժիչ ուժերից մեկին` փոխվարչապետի գրասենյակի ղեկավար Սերժ Վարագ Սիսեռյանին:
Վարագը 29 տարեկան է, ծնվել է Ֆրանսիայում, 2011-ից բնակվում է Հայաստանում, ամուսնացած է` ունի մեկ տղա:
Կրթությունը ստացել է Բեյրութում և Երևանում, աշխատել է տարբեր ոլորտներում, հեղափոխությունից առաջ հանգրվանելով «Ռազմավարական նախաձեռնությունների կենտրոնում»` որպես հանրային կառավարման ոլորտի փորձագետ:
«Քաղաքացիական պայմանագիր» կուսակցության հիմնադիր անդամ է:
Իմ լիակատար վստահությունն ու աջակցությունն եմ հայտնում պարոն Սիսեռյանին` ժողովրդի հաղթական ընթացքի շարունակականությունն ապահովելու պատասխանատու գործում:
Ահա թե ինչ ենք պատկերացնում մենք` ասելով, որ մեր նպատակն է Հայաստանում կենտրոնացնել Սփյուռքի մարդկային, մտավոր, հոգևոր, ֆինանսական ներուժը: Եվ սա լինելու է շարունակական` պետական կառավարման բարձր պաշտոններից, մինչև մասնավոր ոլորտի աշխատողներ, արվեստից մինչև բիզնես ու ռազմական գործ»,- գրել է նա:
