13.01.2026 | 23:28
ՆԳՆ շրջիկ սպասարկման գրասենյակները ծառայություններ կմատուցեն Գեղարքունիքի և Վայոց ձորի մարզերում
12-15 տարվա ազատազրկում՝ ՀՀ ինքնիշխանությունից հրաժարվելուն ուղղված գործողությունների դեպքում․ նախագիծ
Հասարակություն
23.10.2022 | 15:16
ՀՀ արդարադատության նախարարությունն առաջարկում է ազատազրկել այն անձանց, որոնք Հայաստանի ինքնիշխանությունից հրաժարվելու կոչեր կանեն։
Գերատեսչության կողմից շրջանառության մեջ դրված ՀՀ քրեական օրենսգրքում լրացումներ կատարելու մասին օրենքի նախագծով նախատեսվում է մինչև 15 տարվա ազատազրկում։
Նախագծի հիմնավորման մեջ նշված է, որ քրեական պատասխանատվություն տարածվում է այն գործողությունների վրա, որոնք ուղղված են տարածքային ամբողջականությունը խախտելուն․ «Այն է՝ բռնություն գործադրելու կամ բռնություն գործադրելու սպառնալիքի միջոցով Հայաստանի Հանրապետության տարածքի մասն առանձնացնելուն կամ Հայաստանի Հանրապետության տարածքը կամ դրա մասն այլ պետությանը հանձնելուն»:
Օրենքի նախագծով առաջարկվում է ՔՕ 421-րդ հոդվածը լրացնել հետեւյալ բովանդակությամբ․
«Ինքնիշխանությունից հրաժարվելուն՝ բռնություն գործադրելու կամ բռնություն գործադրելու սպառնալիքի միջոցով հօգուտ այլ պետության կամ միջազգային կամ վերպետական հանրային կազմակերպության Հայաստանի Հանրապետության ինքնիշխանությունը լրիվ կամ մասնակի սահմանափակելուն ուղղված գործողություններ կատարելը պատժվում է ազատազրկմամբ՝ տասներկուսից տասնհինգ տարի ժամկետով»:
