03.07.2026 | 16:34
Կապակցվածությունը կարող է օգնել Հարավային Կովկասում կայուն խաղաղության ապահովմանը․ Մարթա Կոս
ՊՆ-ն ադրբեջանական ԶՈՒ-ի դիրքերի տեղափոխման հետ կապված որևէ մտահոգություն չունի. Դավիթ Տոնոյան. ՏԵՍԱՆՅՈՒԹ
Քաղաքականություն
01.06.2018 | 12:12
ՀՀ պաշտպանության նախարարությունը հայ-ադրբեջանական սահմանի նախիջևանյան հատվածում Ադրբեջանի ԶՈւ դիրքերի տեղափոխման հետ կապված որևէ մտահոգություն չունի, այսօր կառավարության նիստից հետո լրագրողների հետ զրույցում ասաց ՀՀ պաշտպանության նախարար Դավիթ Տոնոյանը․ «ՊՆ-ն մտահոգություն չունի, քանի որ իրավիճակն ամբողջովին վերահսկելի է, և մենք մեր արդյունավետ գործունեության միջոցով չեզոքացնում ենք ցանկացած փոփոխություն»։
Նախարարի խոսքով՝ Ադրբեջանն իր տարածքում է իրականացնում տեղափոխումները և միջազգային կառույցներին դիմելու անհրաժեշտության չկա: Անդրադառնալով հեղափոխության օրերին բողոքի ակցիաներին միացած զինվորական համազգեստով անձանց պատասխանատվության ենթակելու հարցին, նախարարն ասաց, որ ծառայողական քննությունը մոտենում է ավարտին․ «Քննության արդյունքներն արդեն ներկայացվել են Գլխավոր շտաբ, որից հետո կփոխանցվեն ինձ»։
Մանրամասները՝ տեսանյութում:
