15.01.2025 | 20:13
Գերմանիայի Բունդեսթագի նախկին պատգամավորները Բաքվից կաշառ ստանալու մեղադրանքով դատարանի առաջ կկանգնեն
Իրանը կոչ է անում իր քաղաքացիներին զերծ մնալ Ուկրաինա մեկնելուց
Քաղաքականություն
21.10.2022 | 19:25
Իրանի իշխանությունները կոչ են արել Իսլամական Հանրապետության քաղաքացիներին՝ զերծ մնալ Ուկրաինա մեկնելուց։ Այս մասին հայտարարել է Իրանի ԱԳՆ-ն, հաղորդում է Mehr գործակալությունը։
«Ուկրաինայում աճող անկայունության պատճառով մենք [Իրանի իշխանությունները] խստորեն խորհուրդ ենք տալիս Իրանի բոլոր քաղաքացիներին՝ զերծ մնալ այս երկիր մեկնելուց»,- ասվում է Իրանի ԱԳՆ հյուպատոսական վարչության հայտարարության մեջ։
Բացի այդ, Իրանի ԱԳՆ-ն Ուկրաինայում բնակվող Իրանի քաղաքացիներին խորհուրդ է տվել «լքել այդ երկիրը՝ իրենց անվտանգությունը պահպանելու համար»։ Միաժամանակ, ԱԳՆ-ն Ուկրաինայում գտնվող իրանցիներին կոչ է արել «պահպանել հանգստություն» և, անհրաժեշտության դեպքում, դիմել Կիևում Իրանի դեսպանատուն։
Տաթև Ֆռանգյան
