31.10.2026 | 22:55
Հայտնաբերվել է զինծառայողի դի. ՊՆ
Էդգար Ղազարյանը տուժող է ճանաչվել ծեծի գործով
Հասարակություն
20.10.2022 | 19:57
Ընդդիմադիր քաղաքական գործիչ Էդգար Ղազարյանը տուժող է ճանաչվել՝ իր նկատմամբ բռնության դեպքի առթիվ նախաձեռնված քրեական վարույթի շրջանակներում, նրա նկատմամբ նշանակվել է դատաբժշկական փորձաքննություն։ Այս մասին Factor.am-ի հարցին ի պատասխան՝ տեղեկացրեց Քննչական կոմիտեի մամուլի քարտուղար Վարդան Թադևոսյանը։
Հիշեցնենք՝ հոկտեմբերի 18-ին անհայտ անձինք հարձակվել և ծեծի են ենթարկել Էդգար Ղազարյանին։ Ըստ տուժողի՝ դեպքը տեղի է ունեցել իրենց շքամուտքի մոտ, երբ տուն էր վերադառնում վարսավիրանոցից։ Ղազարյանը Շտապօգնության մեքենայով տեղափոխվել էր «Էրեբունի» բժշկական կենտրոն, որտեղ հետազոտություն էր անցել։
Նույն օրը ՔԿ-ում քրեական վարույթ է նախաձեռնվել՝ ՀՀ քրեական օրենսգրքի 171-րդ հոդվածի 2-րդ մասի 5-րդ կետով՝ մի խումբ անձանց կողմից առողջությանը թեթև վնաս պատճառելու հատկանիշներով։ Վարդան Թադևոսյանի խոսքով՝ գործով դեռևս որևէ կասկածյալ չկա։
Ռոզա Վարդանյան
