18.08.2026 | 15:45
Վանաձոր քրեակատարողական հիմնարկի կալանավորը, ըստ հարազատների, մեկ ամիս է՝ հացադուլի մեջ է
Թեհրանը և Բաքուն նախապես քննարկել են սահմանային զորավարժությունների հարցը․ Բաքվում Իրանի դեսպանատունը հանգստացրել է ադրբեջանցիներին
Քաղաքականություն
19.10.2022 | 15:09
Բաքվում Իրանի դեսպանատունն Ադրեջանի հետ սահմանին մեկնարկած Իրանի ԶՈՒ զորավարժությունների վերաբերյալ հայտարարություն է տարածել, գրում են ադրբեջանական լրատվականները։
Դեսպանատունը, փորձելով հանգստացնել ադրբեջանցիներին, հայտնել է, որ Իրանի Զինված ուժերի զորավարժությունները հյուսիսարևմտյան տարածաշրջանում իրականացվում են Իսլամական Հանրապետության ԶՈՒ-ի գործունեության տարեկան պլանի և պարբերական վարժանքների համաձայն։ Նշվում է նաև, որ հաշվի առնելով «բարեկամական ու եղբայրական հարաբերություններն Ադրբեջանի հետ՝ զորավարժություններից առաջ ադրբեջանական կողմին պաշտոնական նոտա է հանձնվել»։
Դեսպանատունը նշում է, որ Ադրբեջանի և Իրանի ռազմական ղեկավարները քննարկումներ են ունեցել՝ կապված զորավարժությունների հետ։
«Այդ նոտայից բացի՝ Իրանի Իսլամական Հանրապետության Զինված ուժերի շտաբի պետ, գեներալ-լեյտենանտ Բաղերիի և Ադրբեջանի պաշտպանության նախարար, գեներալ-գնդապետ Զաքիր Հասանովի հեռախոսազրույցում հնչել են որոշ առաջարկներ զորավարժությունների անցկացման հարցում համագործակցության առումով, և դրանք իրականացվում են մեկնարկած զորավարժությունների շրջանակում։ Իրանի և Ադրբեջանի հարաբերությունները, որոնք հանդիսանում են բարեկամական ու եղբայրական, միշտ եղել են թշնամական քարոզչության օբյեկտ: Սակայն երկու երկրների առաջնորդների զգոնությունը խանգարել է թշնամիներին` հասնել նպատակներին»,- ասվում է հայտարարության մեջ։
Հիշեցնենք, որ Իրանի Զինված ուժերը հոկտեմբերի 17-ից Ադրբեջանի հետ սահմանին լայնամասշտաբ զորավարժություններ են սկսել։ Նախորդ տարի նույն ժամանակահատվածում Իրանը կրկին զորավարժություններ էր անցկացնում Ադրբեջանի հետ սահմանին։
Էմմա Չոբանյան
