22.11.2024 | 15:55
«Հայերը կարող են վերադառնալ Ղարաբաղ միայն Ադրբեջանի քաղաքացիություն ընդունելով»․ Հաջիև
Ասա՝ ինչով ես սնվում, ասենք՝ ինչքան է գնաճը․ թանկացումները հարվածել են ծեծած տեղին․ ՏԵՍԱՆՅՈւԹ
Քաղաքականություն
18.10.2022 | 20:55
Հայաստանում գնաճի համար միասնական միջին ցուցանիշ կա, և նախորդ տարվա սեպտեմբերի համեմատ՝ այս տարվա սեպտեմբերի գնաճը կազմել է 9,9 տոկոս։ Բայց այդպե՞ս է, արդյոք, բոլոր ընտանիքներում։ Կարճ՝ ոչ։
Դա ցույց տալու համար գնումներ ենք կատարել։ Մեր գնումների ապրանքացանկն այնպես կազմակերպեցինք, որ հնարավորինս մոտ լինի խոցելի խավի գնումների ցուցակին։ Մեր հաշվարկը ցույց տվեց, որ մեր ընտանեկան գնաճը կազմել է միջին գնաճից գրեթե կրկնակի ավելի՝ շուրջ 20 տոկոս։
Եվ այսպիսի իրավիճակ է բոլոր այն ընտանիքներում, որոնց ծախսերի մեծ մասը բաժին է ընկնում սննդին։
Տնտեսագետ Կառլեն Խաչատրյանը բացատրում է, որ սրա հետևանքով ամեն եռամսյակ Հայաստանում աճում է թերսնվողների թիվը։
Որ գների հարցում նախկինին վերադարձ հիմնականում չի լինում, դա ունիվերսալ կանոն է ամբողջ աշխարհի համար։ Իսկ որպեսզի գների աճը գոնե դադարի կամ տեմպը նվազի, Կենտրոնական բանկը պարբերաբար միջամտություններ է կատարում՝ բարձրացնում է վերաֆինանսավորման տոկոսադրույքը։
Կենտրոնական բանկն այսպես փորձում է ստիպել, որ բանկերն ավելի բարձր տոկոսով վարկեր տան, ինչի արդյունքում ձեռնտու չլինի փող ծախսելը։ Իսկ եթե ծախսերը քիչ լինեն, ապրանքներ քիչ գնվեն, դրանց գներն էլ պետք է, որ նվազեն։ Սա մի կողմից օգնում է, մյուս կողմից՝ խանգարում։
Այստեղ, սակայն, մեկ այլ ֆենոմեն կա․ ԿԲ-ն փորձում է ձեզ համոզել, հարկադրել, ստիպել, որ քիչ գնումներ անեք, որպեսզի գները նվազեն։ Բայց եթե դուք ձեր գնումները հետաձգեք, ավելի ուշ ավելի թանկ արժեքով եք անելու։ Հակասությունն այն է, որ սպառողին ձեռնտու է գնումները հիմա անել, ԿԲ-ի տեսանկյունից՝ ոչ հիմա։
Մանրամասները՝ տեսանյութում։
Գարիկ Հարությունյան
