07.08.2026 | 18:48
Շվեդիայի Ռիկսդագի խոսնակը շնորհավորել է Ռուբեն Ռուբինյանին
Դատարանը հեռացել է Էրիկ Ալեքսանյանի խափանման միջոցի վերաբերյալ որոշում կայացնելու
Հասարակություն
18.10.2022 | 19:30
Երևան քաղաքի ընդհանուր իրավասության դատարանը՝ նախագահությամբ դատավոր Արշակ Մաթևոսյանի, հեռացել է առանձին սենյակ (Քրեական դատավարության գործող օրենսգրքում օգտագործվում է «առանձին սենյակ» արտահայտությունը` նախկին Քրեական օրենսգրքի «խորհրդակցական սենյակ» արտահայտության փոխարեն)՝ փաստաբան Էրիկ Ալեքսանյանի խափանման միջոցի վերաբերյալ որոշում կայացնելու: Այս մասին հայտնում է Ալեքսանյանի պաշտպաններից Գայանե Պապոյանը։ Թե երբ կհրապարակվի որոշումը, դեռևս հայտնի չէ։
Հիշեցնենք, որ Էրիկ Ալեքսանյանը մեղադրվում է դատավոր Արուսյակ Ալեքսանյանին պաշտոնեական լիազորություններն անցնելուն օժանդակելու մեջ։
Ալեքսանյանը գրավ է կիրառել քրեական հեղինակություն համարվող Սերգեյ Գրիգորյանի նկատմամբ, որ առավել հայտնի է Ֆազ մականունով։
Այս մեղադրյալի պաշտպանությունն իրականացնում է Էրիկ Ալեքսանյանն, որը ներկայացրել է գրավ կիրառելու միջնորդությունը։ Էրիկ Ալեքսանյանի ձերբակալման առավելագույն ժամկետն ավարտվելուց հետո վերջինս ազատ է արձակվել և լրագրողների հետ զրույցում հայտնել, որ մեղադրանքը չի ընդունում։
Արաքս Մամուլյան
