08.04.2026 | 01:11
Խարբերդի ամառանոցներից դեպի Նուբարաշեն ավտոճանապարհին 5 մեքենա է բախվել. 3 անձ հոսպիտալացվել է
Վստահեցրի մեր գործընկերներին, որ Հայաստանի նոր իշխանությունները տրամադրված են կյանքի կոչելու ոչ միայն ձեռք բերված պայմանավորվածությունները, այլև դրանք է՛լ ավելի զարգացնելու. Արարատ Միրզոյան. ՏԵՍԱՆՅՈՒԹ
Քաղաքականություն
31.05.2018 | 18:02
ՀՀ առաջին փոխվարչապետ Արարատ Միրզոյանը և Տաջիկստանի վարչապետ Կոխիր Ռասուլզոդան Դուշանբեի Կառավարության ընդունելությունների տանն ունեցած հանդիպմանը քննարկել են երկկողմ հարաբերությունների զարգացմանն ուղղված մի շարք հարցեր:
«Խոսեցինք տարբեր ֆորմատներում բազմակողմ համագործակցությունը զարգացնելու մասին: Քննարկվեցին նաև կոնկրետ թեմաներ: Ե՛վ մենք, և՛ տաջիկական կողմը հնարավորություն ենք տեսնում մի շարք ոլորտներում համագործակցությունը զարգացնելու, այդ թվում՝ տաջիկական ոսկին որպես հումք Հայաստան տեղափոխելու, զարդեր պատրաստելու, ապա Տաջիկստան տեղափոխելու հնարավորության հարցում»,- հանդիպման ավարտից հետո քննարկված հարցերի շուրջ մանրամասներ ներկայացրեց ՀՀ առաջին փոխվարչապետ Արարատ Միրզոյանը:
Factor.am-ի հարցին՝ ինչպիսի փոփոխություններ են հնարավոր հայ-տաջիկական հարաբերություններում՝ պայմանավորված Հայաստանում տեղի ունեցած իշխանափոխությամբ, և արդյոք հանդիպմանն այդ մասին խոսել են, փոխվարչապետը պատասխանեց. «Ես վստահեցրեցի մեր գործընկերներին, որ Հայաստանի նոր իշխանությունները, նոր կառավարությունը տրամադրված է ոչ միայն շարունակելու և կյանքի կոչելու ձեռք բերված պայմանավորվածությունները, այլև դրանք է՛լ ավելի զարգացնելու: Վստահ եմ՝ մեր գործընկերները հիանալի ըմբռնում են այս իրավիճակը»:
Հավելենք, որ ՀՀ առաջին փոխվարչապետի և ՏՀ վարչապետի հանդիպմանը ներկա էին նաև փոխվարչապետ Մհեր Գրիգորյանը, Տնտեսական զարգացման և ներդրումների նախարար Արծվիկ Մինասյանը, Արտաքին գործերի նախարարի տեղակալ Շավարշ Քոչարյանը և ՏՀ-ում ՀՀ արտակարգ և լիազոր դեպսան Վլադիմիր Բադալյանը:
Մանրամասները՝ տեսանյութում:
Շողիկ Գալստյան, Դուշանբե
