09.09.2026 | 17:55
Մոլդովայում Ադրբեջանի քաղաքացի է ձերբակալվել․ նա կասկածվում են ՌԴ ԱԴԾ-ի համար աշխատելու մեջ
Համաչափել ենք ռազմական օգնությունը Ադրբեջանին՝ ապահովելով, որ այն երբեք չօգտագործվի ՀՀ-ի դեմ․ Փրայս․ ՏԵՍԱՆՅՈՒԹ
Քաղաքականություն
18.10.2022 | 17:29
ՀՀ Ազգային ժողովում մեկնարկել է ԱՄՆ Ներկայացուցիչների պալատի Ժողովրդավարական գործընկերության հանձնախմբի (ԺԳՀ) նախագահ Դեյվիդ Փրայսի և ՀՀ ԱԺ արտաքին հարաբերությունների մշտական հանձնաժողովի նախագահ Էդուարդ Աղաջանյանի ասուլիսը։
ԱՄՆ նախագահն այս տարի էլ շրջանցել է 907-րդ բանաձևը և ռազմական օգնություն տրամադրել Ադրբեջանին, այն դեպքում, երբ Ադրբեջանը շարունակում է խախտել հրադադարը և ագրեսիա իրականացնում Հայաստանի դեմ, արդյոք ԱՄՆ-ն սրանով չի նպաստում ադրբեջանական ագրեսիային։ Փրայսը անդրադառնալով այս դիտարկմանը, նշեց․ «Այդ պնդումը, կարծում եմ՝ այդքան էլ ճիշտ չէ: Մենք համաչափել ենք մեր օգնությունը, աջակցությունը Ադրբեջանին՝ համոզվելով նրանում, և ապահովելով այն, որ այդ օգնությունը երբեք չօգտագործվի Հայաստանի դեմ հարձակողական նպատակներով, և չօգտագործվի Արցախյան հակամարտության խաղաղ կարգավորմանը որևէ ձևով ոտնահարելու կամ խախտելու հարցում: Սա երաշխիք է, և Հայաստանն ունի այդ երաշխիքը»:
Պատասխանելով հարցին, թե արդյոք ամերիկյան պատվիրակությունը պատրաստվում է այցելել այն բնակավայրեր, որտեղ սեպտեմբերի 13-ի ադրբեջանական ագրեսիայի հետևանքով տուժել են, Փրայսը պատասխանեց․ «Այս այցի շրջանակներում մենք չենք կարողանա այցելել Հայաստանի այլ շրջաններ»:
Մանրամասները՝ տեսանյութում։
