01.11.2026 | 21:56
Լրագրողներն այցելել են բանակային դիրք ու ամրացված շրջան, հանդիպել Սուրեն Պապիկյանի հետ
Ուկրաինայի ԱԳ նախարարն առաջարկում է խզել դիվանագիտական հարաբերություններն Իրանի հետ
Քաղաքականություն
18.10.2022 | 17:49
Ուկրաինայի ԱԳ նախարար Դմիտրի Կուլեբան Իրանի հետ դիվանագիտական հարաբերությունները խզելու նախաձեռնությամբ է հանդես եկել։ Այս մասին գրում է ՌԲԿ Ուկրաինան։
«Հաշվի առնելով իրանական անօդաչու թռչող սարքերի կողմից Ուկրաինայի քաղաքացիական ենթակառուցվածքներին հասցված բազմաթիվ ավերածությունները, մահերն ու տառապանքը՝ մեր ժողովրդին հասցված, ինչպես նաև հաղորդումներն այն մասին, որ Իրանը շարունակում է ՌԴ-ին զենք մատակարարել, ես նախագահի դիտարկմանն եմ ներկայացնում Իրանի հետ դիվանագիտական հարաբերություների խզման առաջարկը»,- ասել է նա։
Կուլեբան նշել է, որ Ուկրաինան երբեք հակաիրանական դիրքորոշում չի ունեցել։
«Բայց այն բանից հետո, երբ Իրանը դարձավ ագրեսիվ հանցագործության մասնակից, մենք այսօր շատ հստակ դիրքորոշում ունենք։ Երբ Իրանը դադարեցնի ՌԴ-ին զենքի մատակարարումները, կխոսենք հարաբերությունների վերականգնման մասին»,-ասել է ԱԳ նախարարը։
Հավելենք, որ Իրանը պաշտոնապես չի ընդունում ՌԴ-ին սպառազինության և անօդաչու թռչող սարքերի վաճառքը։
Էմմա Չոբանյան
