16.01.2026 | 18:34
Տիմոշենկոյի նկատմամբ խափանման միջոց է ընտրվել գրավը
Ծեծել են Էդգար Ղազարյանին․ 1 տարում կսկսի գործել Երևանի տրանսպորտի միասնական համակարգը․ Լուրեր
Քաղաքականություն
18.10.2022 | 15:40
- Այսօր ծեծի է ենթարկվել ընդդիմադիր քաղաքական գործիչ Էդգար Ղազարյանը։ Ոստիկանությունն ահազանգը ստացել է բժշկական կենտրոնից, որտեղ տեղափոխվել է Ղազարյանը։ Դեպքի հանգամանքները պարզելու համար ոստիկանությունը փաստաթղթերն ուղարկել է նախաքննական մարմին։ Factor.am-ի տեղեկություններով Ղազարյանն այս պահին «Էրեբունի» ԲԿ-ում է հետազոտություն անցնում։
- Վարչապետ Նիկոլ Փաշինյանն ընդունել է ԱՄՆ Ներկայացուցիչների պալատի Ժողովրդավարական գործընկերության հանձնախմբի (ԺԳՀ) նախագահ Դեյվիդ Փրայսի գլխավորած պատվիրակությանը։ Փաշինյանն անդրադարձել է Հայաստանի ինքնիշխան տարածքի նկատմամբ Ադրբեջանի ագրեսիային և կարևորել ԱՄՆ ու ընդհանրապես միջազգային հանրության համարժեք ու հասցեական արձագանքը: Փաշինյանը նաև շեշտել է Լեռնային Ղարաբաղի հայերի անվտանգության ու իրավունքների ապահովման կարևորությունը:
- Երևանում մետրոն, ավտոբուսները, տրոլեյբուսները կաշխատեն միասնական տոմսային համակարգով, այս մասին քաղաքապետարանի ավագանու նիստում հայտարարել է քաղաքապետարանի ներկայացուցիչ Սարգիս Մանուկյանը։ Նրա խոսքով՝ չի բացառվում, որ հետագայում այս համակարգին կմիանան նաև Երևան մտնող միջքաղաքային այլ տրանսպորտները։ Ըստ պաշտոնյայի՝ մոտ մեկ տարի կտևի ամբողջ ներդրումը։
Այս ժամի լուրերը՝ տեսանյութում։
