13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
Վաշինգտոնն ու Անկարան քննարկել են Ուկրաինայի պատերազմը, տարածաշրջանային հարցեր, ինչպես նաև F-16-երի մատակարարման խնդիրը
Քաղաքականություն
18.10.2022 | 16:10
Թուրքիայի նախագահի մամուլի խոսնակ, գլխավոր խորհրդական Իբրահիմ Քալընը հեռախոսազրույց է ունեցել ԱՄՆ նախագահի ազգային անվտանգության հարցերով խորհրդական Ջեյք Սալիվանի հետ։ Այս մասին հայտնում է Թուրքիայի նախագահի աշխատակազմը, գրում է Անադոլու գործակալությունը։
Հաղորդվում է, որ կողմերը քննարկել են երկկողմ ու միջազգային օրակարգի արդիական հարցեր, այդ թվում՝ Ուկրաինայում պատերազմը։
Կողմերը մտքեր են փոխանակել Անկարայի և Վաշինգտոնի միջև քաղաքական ու տնտեսական կապերի, ինչպես նաև պաշտպանական և էներգետիկ ոլորտներում թուրք-ամերիկյան համագործակցության շուրջ։ Քննարկվել են նաև Էգեյան և Միջերկրական ծովերի շրջաններում իրավիճակն ու այլ տարածաշրջանային հարցեր։
Ինչ վերաբերում է ուկրաինական պատերազմին, Քալընն ընդգծել է համաձայնեցված դիվանագիտական ջանքերի անհրաժեշտությունը՝ մեղմելու այն վնասը, որը հակամարտությունը հասցրել է միջազգային խաղաղությանը և կայունությանը, ինչպես նաև համաշխարհային տնտեսությանը, համաշխարհային էներգետիկային և պարենային անվտանգությանը: Նա նաև հնչեցրել է Թուրքիայի ակնկալիքները՝ կապված «ԱՄՆ Կոնգրեսի կողմից F-16 կործանիչների գնման և արդիականացման պահանջի բավարարման գործընթացի անվերապահ ավարտի հետ»։
Էմմա Չոբանյան
