17.03.2026 | 19:43
Հյուսիսային Եվրոպա-Բալթյան երկրների ներկայացուցիչներն այցելել են հայ-թուրքական «Մարգարա» անցակետ
ՀՀ առաջին փոխվարչապետ Արարատ Միրզոյանը աշխատանքային այցով ժամանեց Դուշանբե. ԼՈՒՍԱՆԿԱՐՆԵՐ, ՏԵՍԱՆՅՈՒԹ
Քաղաքականություն
31.05.2018 | 13:54
Հայաստանի առաջին փոխվարչապետ Արարատ Միրզոյանն այսօր աշխատանքային այցով ժամանեց Տաջիկստանի մայրաքաղաք Դուշանբե: Սա Արարատ Միրզոյանի առաջին պաշտոնական այցն է փոխվարչապետի պաշտոնում. տեղեկացնում է Factor.am-ի թղթակիցը՝ Դուշանբեից:
Դուշանբեի միջազգային օդանավակայանում առաջին փոխվարչապետին դիմավորեցին Տաջիկստանի կառավարության ներկայացուցիչները: Դիմավորման պաշտոնական արարողությունից հետո առաջին փոխվարչապետը կուղևորվի Տաջիկստանի կառավարական կեցավայր, որտեղ նախատեսված է Հայաստանի առաջին փոխվարչապետի հանդիպումը Տաջիկստանի վարչապետ Կոխիր Ռասուլզոդայի հետ:
Հանդիպմանը ներկա են լինելու նաև Արարատ Միրզոյանի գլխավորած պատվիրակության կազմում Դուշանբե ժամանած փոխվարչապետ Մհեր Գրիգորյանը, Տնտեսական զարգացման և ներդրումների նախարար Արծվիկ Մինասյանը, Արտաքին գործերի նախարարի տեղակալ Շավարշ Քոչարյանը և ՏՀ-ում ՀՀ արտակարգ և լիազոր դեպսան Վլադիմիր Բադալյանը:
Վաղն արդեն Արարատ Միրզոյանը մասնակցելու է ԱՊՀ կառավարությունների ղեկավարների խորհրդի նիստին, որի ընթացքում նախատեսված է տնտեսական համագործակցության վերաբերյալ մի քանի փաստաթղթերի ստորագրում։
Տեսանյութը՝ քիչ անց:
