Քաղաքականություն
14.10.2022 | 19:22
ՆԱՏՕ-ի միջուկային պլանավորման գաղտնի խումբը հանդիպում է անցկացրել՝ հաջորդ շաբաթ միջուկային զորքերի զորավարժությունների ֆոնին, գրում է VOA-ն:
Պաշտպանության նախարարները նախագահել են հանդիպումը, որը սովորաբար տեղի է ունենում տարին մեկ կամ երկու անգամ Բրյուսելում գտնվող ՆԱՏՕ-ի կենտրոնակայանում:
Հանդիպումը տեղի է ունեցել ուժեղացած լարվածության պայմաններում, երբ ՆԱՏՕ-ի որոշ անդամներ՝ ԱՄՆ-ի գլխավորությամբ, Ուկրաինային մատակարարում են առաջադեմ զենք և զինամթերք՝ պաշտպանվելու ռուսական օդային հարվածներից:
ՆԱՏՕ-ն զգուշությամբ է հետևում Ռուսաստանի տեղաշարժերին, բայց դեռևս չի տեսել նրա միջուկային ուժերի կազմաձևման փոփոխություն: Սակայն լրացուցիչ անորոշություն է մտցնում այն փաստը, որ Ռուսաստանը շուտով կանցկացնի նաև սեփական միջուկային ուժերի վարժանքներ։ ՆԱՏՕ-ի դիվանագետների խոսքով՝ դրանք կարող են տեղի ունենալ դաշինքի զորավարժությունների հետ միաժամանակ կամ դրանցից անմիջապես հետո։
Տաթև Ֆռանգյան
