09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Ֆրանսիան հայտարարել է, որ Թուրքիայում գազային հանգույցի ստեղծման մասին Պուտինի նոր առաջարկն անիմաստ է
Քաղաքականություն
14.10.2022 | 17:13
Ֆրանսիայի նախագահականը մերժել է ՌԴ նախագահ Վլադիմիր Պուտինի՝ Եվրոպային գազ մատակարարելու համար Թուրքիայում նոր գազային հանգույց ստեղծելու մասին առաջարկը՝ նշելով, որ դա անիմաստ է։ Այս մասին գրում է AFP-ն, որին վկայակոչում է ekathimerini-ն։
«Անիմաստ է ստեղծել նոր ենթակառուցվածքներ, որոնք թույլ են տալիս ավելի շատ ռուսական գազ ներմուծել»,- ասել են Ելիսեյան պալատից։
Հավելենք, որ Պուտինն այս առաջարկը հնչեցրել էր նախօրեին Թուրքիայի նախագահ Ռեջեփ Թայիփ Էրդողանի հետ հանդիպմանը։
Ելիսայան պալատը նշել է, որ ռուսական գազի՝ Եվրոպա արտահանումը 40 տոկոսից մի քանի ամսվա ընթացքում հասել է 7,5 տոկոսի։
«Հավանական է, որ այն ավելի կնվազի։ Ռուսաստանն ու Թուրքիան կարող են միասին ավելի շատ գազ արտահանել, բայց դա չի կարող լինել ԵՄ-ն, որը պարտավորություններ ունի ինքնիշխանության, իր կախվածությունը նվազեցնելու, ինչպես նաև կլիմայի փոփոխության հետ կապված»,- ասվում է հայտարարության մեջ։
Հավելենք, որ նախօրեին Պուտին-Էրդողան հանդիպումից հետո ՌԴ նախագահի մամուլի խոսնակ Դմիտրի Պեսկովը հայտարարել էր, թե երկու նախագահները հանձնարարել են մանրամասն ու շատ արագ մշակել գազային հանգույցի ստեղծման հարցը։
Էմմա Չոբանյան
