09.10.2026 | 11:32
Փաշինյանը հայտարարել է, որ Հայաստանի և Ադրբեջանի միջև խաղաղությունը կայացած փաստ է
Վարչապետի աշխատակազմը շուրջ 309 մլն դրամի «հրատապ մեկ անձ»-ից գնում է կատարում
Քաղաքականություն
12.10.2022 | 23:50
ՀՀ կառավարությունը 308 մլն 904 հազար դրամի գնման գործընթաց է պատրաստվում իրականացնել «հրատապ մեկ անձ» գնման ընթացակարգով։
Ըստ Կառավարության, գնման անհրաժեշտությունը պայմանավորված է 2022 թվականի հոկտեմբերի 28-31-ը Երևանում անցկացվելիք Համաշխարհային հայկական գագաթնաժողովի կազմակերպմամբ։
Նշենք, որ խոսքը Հայաստան-Սփյուռք գործակցության թեմայով համահայկական համաժողովի մասին է, որը վերջին անգամ անցկացվել է 2017 թվականին։
Այս հսկայական գումարի շրջանակներում մեկ անձից հրատապ գնում կատարելը վարչապետի աշխատակազմը հիմնավորում է ժամանակի սղությամբ։ Տարակուսելի է, որ 1991 թվականից անցկացվող միջոցառման վերսկսումը կառավարությունը համարում է անսպասելի եւ գնման գործընթացը չի պլանավորում ավելի վաղ՝ թափանցիկ մեխանիզմով։
Ըստ նախագծի՝ գագաթնաժողովը կունենա 8 պանելային քննարկում, 17 համաժամանակյա նիստ, 2 ազատ ձևաչափով քննարկում, փակման և բացման արարողություններ: Խոսքով հանդես կգան ավելի քան 100 հրավիրյալ բանախոսներ 12 երկրներից: Քննարկվելու են Հայաստանի անվտանգային, արտաքին, ներդրումային քաղաքականություններին, ազգային բրենդին և փափուկ ուժին, Սփյուռքի կրթական, հայապահպանական, ինքնակազմակերպման խնդիրներին, երիտասարդական կառույցների հզորացմանը և ակադեմիական ներուժի ներգրավմանը վերաբերող հարցեր:
Գագաթնաժողովին կմասնակցի 600 անձ՝ աշխարհի մոտ 45 երկրից:
