21.04.2026 | 17:54
Եվրոպան ցանկանում է արդյունավետ կապեր Կենտրոնական Ասիայի հետ՝ Հայաստանի, Ադրբեջանի և Թուրքիայի միջոցով
Պուտինն առաջարկել է Թուրքիայում Եվրոպայի համար խոշորագույն գազային հանգույց ստեղծել
Քաղաքականություն
12.10.2022 | 21:45
Ռուսաստանը կարող է Թուրքիայում գազային խոշորագույն հանգույց ստեղծել՝ Եվրոպա մատակարարումների համար։ Այս մասին հայտարարել է ՌԴ նախագահ Վլադիմիր Պուտինը ռուսական էներգետիկ շաբաթվա միջազգային ֆորումի հանդիպման ժամանակ, գրում է ՌԲԿ-ն։
«Թուրքական հոսքը ներկայում դեպի Եվրոպա 14 միլիարդ խորանարդ մետր գազ է տարանցում։ Այնքան էլ մեծ ծավալ չէ։ «Հյուսիսային հոսք»-երով, Բալթիկ ծովի հատակով տարանցման կորցրած ծավալը մենք կարող ենք նաև փոխանցել Սև ծովի շրջան՝ այդպիսով մեր վառելիքի, Եվրոպա մեր բնական գազի հիմնական երթուղին Թուրքիայով անել՝ այդ երկրում ստեղծելով Եվրոպայի համար խոշորագույն գազային հանգույցը։ Եթե, իհարկե, դրանում հետաքրքրված են մեր գործընկերները»,- ասել է Պուտինը։
Ըստ նրա՝ այդ քայլը տնտեսապես նպատակային կլիներ, իսկ նման երթուղու անվտանգությունը, «դատելով վերջին իրադարձություններից, իհարկե, շատ ավելի բարձր է»։
Էմմա Չոբանյան
