25.06.2026 | 18:47
ՍԴ-ում պատասխանողի ներկայացուցիչները կլինեն Վահագն Հովակիմյանը և Նունե Հովհաննիսյանը
Ուկրաինան՝ Ղրիմի կամրջի վրա տեղի ունեցած պայթյունի վերաբերյալ Մոսկվայի մեղադրանքների մասին
Քաղաքականություն
12.10.2022 | 16:21
Ուկրաինայի Պաշտպանության նախարարության հետախուզության գլխավոր վարչության խոսնակ Անդրեյ Յուսովն ավելորդ է համարում մեկնաբանել ռուսական հատուկ ծառայությունների մեղադրանքները Ղրիմի կամրջի պայթյունին Ուկրաինայի մասնակցության վերաբերյալ, քանի որ ԱԴԾ-ն և Քննչական կոմիտեն «ֆեյք» կառույցներ են։ Այս մասին գրում է Ուկրաինսկայա պրավդան։
«ԱԴԾ-ի և Քննչական կոմիտեի ողջ գործունեությունն անհեթեթություն է, սրանք կեղծ կառույցներ են, որոնք սպասարկում են պուտինյան ռեժիմին, ուստի նրանց հաջորդ հայտարարությունները հաստատ չենք մեկնաբանի։ Տարօրինակ է, որ դեռևս այցեքարտ չի հայտնաբերվել Ղրիմի կամրջի տարածքում»,- հայտարարել է Յուսովը։
Ռուսաստանի ԱԴԾ-ն հայտնել է Ղրիմի կամրջի պայթյունի հետաքննության մասին։ ԱԴԾ իրենց տվյալներով՝ ընդհանուր առմամբ բերման է ենթարկվել 8 մարդ, իսկ կազմակերպիչը, ըստ ռուսական կողմի, եղել է Հետախուզության գլխավոր վարչությունը և նրա ղեկավար Կիրիլ Բուդանովը։
Տաթև Ֆռանգյան
