18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
ՆԱՏՕ-ն կփոխի Ուկրաինային սպառազինության մատակարարումների շեշտադրումը
Քաղաքականություն
12.10.2022 | 17:02
ՆԱՏՕ-ի երկրները մտադիր են փոխել Ուկրաինային սպառազինությունների մատակարարումների շեշտադրումը՝ ավելացնելով հակաօդային պաշտպանության համակարգերի մատակարարումը։ Այս մասին հայտարարել է ՆԱՏՕ-ի գլխավոր քարտուղար Յենս Ստոլտենբերգը, գրում է The Washington Post-ը։
Նա գործընկերներին կոչ է արել Ուկրաինային ավելի շատ հակաօդային պաշտպանության միջոցներ և համակարգեր տրամադրել։
«Մենք կքննարկենք, թե ինչպես ավելացնել Ուկրաինային աջակցությունը, և առաջնահերթությունը կլինի Ուկրաինայի հակաօդային պաշտպանության ուժեղացումը»,- ասել է Ստոլտենբերգը։
ՆԱՏՕ-ի գլխավոր քարտուղարը ռուսական հրթիռային հարձակումները համարում է թուլության նշան, իսկ Վլադիմիր Պուտինի այլընտրանքները սպառվում են։
«Ուկրաինան թափ է հավաքում և շարունակում է զգալի առաջընթաց գրանցել, մինչդեռ Ռուսաստանն ավելի ու ավելի է դիմում սարսափելի և անկանոն հարձակումների խաղաղ բնակչության ու կարևոր ենթակառուցվածքների ուղղությամբ»,- ասել է ՆԱՏՕ-ի գլխավոր քարտուղարը:
Հիշեցնենք, որ նախօրեին Գերմանիան Ուկրաինային է հանձնել IRIS-T հակաօդային պաշտպանության՝ խոստացված չորս համակարգերից առաջինը։ Իսկ Սպիտակ տունը խոստացել է, որ ի պատասխան Ուկրաինայի նախագահ Վլադիմիր Զելենսկիի խնդրանքի՝ ԱՄՆ-ը մտադիր է «հնարավորինս շուտ» մատակարարել NASAMS հակաօդային պաշտպանության երկու համակարգ։
Տաթև Ֆռանգյան
