09.10.2026 | 22:44
ԱԺ-ից հաստատում են՝ Civic-ին աշխատակազմն է տրամադրել հոկտեմբերի 6-ի միջադեպի կադրերը
ՆԱՏՕ-ն առաջիկայում միջուկային զսպման զորավարժություններ կանցկացնի
Քաղաքականություն
11.10.2022 | 21:43
ՆԱՏՕ-ն առաջիկայում միջուկային զսպման՝ «վաղուց ծրագրված» զորավարժություններ է անցկացնելու։ Այս մասին ճեպազրույցում հայտարարել է կազմակերպության գլխավոր քարտուղար Յենս Ստոլտենբերգը, գրում է ՌԲԿ-ն։
«Դրանք վաղուց պլանավորված զորավարժություններ են, որոնք նախատեսվել էին Ուկրաինա ներխուժումից դեռ առաջ։ Դրանք ստանդարտ զորավարժություններ են, որոնք թույլ են տալիս համոզվել, որ մեր միջուկային զսպումը մնում է անվտանգ, հուսալի ու արդյունավետ։ Կարծում եմ մենք ծայրահեղ սխալ հաղորդագրություն կուղարկեինք, եթե հանկարծ չեղարկեին վաղուց պլանավորված զորավարժությունները»,-ասել է Ստոլտենբերգը։
Միաժամանակ, ըստ նրա՝ՆԱՏՕ-ն նշաններ չի տեսնում, որ Ռուսաստանը մտադիր է միջուկային զենք կիրառել։
«Մենք ուշադրությամբ հետևում ենք ռուսական միջուկային ուժերին։ Մենք փոփոխություն չենք տեսնում Ռուսաստանի մտադրություններում։ Բայց շարունակելու ենք զգոն լինել»,- դաշինքի գլխավոր քարտուղարը։
Նա նաև ասել է, որ ՆԱՏՕ-ի երկրները ավելացնելու են Ուկրաինայի ռազմական օգնությունը։
Էմմա Չոբանյան
