15.01.2025 | 20:13
Գերմանիայի Բունդեսթագի նախկին պատգամավորները Բաքվից կաշառ ստանալու մեղադրանքով դատարանի առաջ կկանգնեն
ՀՀ-ում ԱՄՆ փոխդեսպանը շնորհավորել է ՔԿ աշխատակազմին
11.10.2022 | 17:21
Ամերիկայի Միացյալ Նահանգների փոխդեսպան Չիպ Լեյթինեն շնորհավորական ուղերձ է հղել Քննչական կոմիտեի ձևավորման 8-րդ տարեդարձի կապակցությամբ․ տեղեկացնում են ՀՀ ՔԿ-ից։
Ուղերձութմ ասվում է․
«Հարգելի´ պարոն Քյարամյան,
Ամերիկայի Միացյալ Նահանգների դեսպանատան անունից ցանկանում եմ շնորհավորել Ձեզ և Քննչական կոմիտեի աշխատակազմին՝ Քննչական կոմիտեի ձևավորման 8-րդ տարեդարձի կապակցությամբ:
Հայաստանի համար այս դժվարին պահին Միացյալ Նահանգները հավատարիմ է մնում Ձեր գերատեսչությանը օգնություն ցուցաբերելուն՝ մեր INL, DSS, FBI, DEA, DHS և այլ իրավապահ գերատեսչությունների միջոցով: Ձեր գործադրած ջանքերի շրջանակներում մենք աջակցում ենք Ձեր գերատեսչությունում և քրեական արդարադատության ոլորտում թափանցիկությունը և հաշվետվողականությունը խթանելու հարցում:
Մենք ողջունում ենք Ձեր գերատեսչության կողմից իրականացված պայքարը կոռուպցիայի, փողերի լվացման, թմրամիջոցների և մարդկանց թրաֆիքինգի, ընտանեկան և սեռական բռնության, կիբեռհանցագործությունների և անչափահասների դեմ ուղղված հանցագործությունների դեմ: Ողջունում ենք այն աշխատանքը, որ անում եք հայ ժողովրդի անվտանգությունն ու բարեկեցությունն ապահովելու համար:
Մենք ակնկալում ենք, որ Ձեր հաջողությունները կլինեն շարունակական:
Հարգանքով՝
Ամերիկայի Միացյալ Նահանգների փոխդեսպան
Չիպ Լեյթինեն»
