16.09.2026 | 10:44
Եվրահանձնաժողովն իր զեկույցում անդրադարձել է Հայաստանին․ կլինի՞ ՀՀ-ն 2027թ-ի՝ ԵՄ-ի առաջնահերթություններում
Հոնկոնգը հրաժարվել է կատարել ԱՄՆ-ի պատժամիջոցները
Քաղաքականություն
11.10.2022 | 22:30
Հոնկոնգի առաջնորդ Ջոն Լին հայտարարել է, որ կկատարի միայն ՄԱԿ-ի պատժամիջոցները։ ԱՄՆ-ն ավելի վաղ զգուշացրել էր, որ Հոնկոնգի՝ որպես ֆինանսական կենտրոնի կարգավիճակը կարող է տուժել, եթե այն դառնա անվտանգ ապաստան պատժամիջոցների ենթարկված անձանց համար, գրում է VOA-ն:
Լին նման հայտարարություն է արել ռուս մեծահարուստ Ալեքսեյ Մորդաշովի հետ կապված շքեղ զբոսանավը քաղաքում խարսխվելուց մի քանի օր անց:
Մորդաշովը, որը, ենթադրաբար, սերտորեն կապված է Ռուսաստանի նախագահ Վլադիմիր Պուտինի հետ, ընդգրկվել է ԱՄՆ-ի, Մեծ Բրիտանիայի և ԵՄ-ի պատժամիջոցների ցուցակներում փետրվարին՝ Ուկրաինա ռուսական ներխուժումից հետո: Հոնկոնգի իշխանությունները հայտարարել են, որ չեն ենթարկվի այլ կառավարությունների կողմից միակողմանիորեն սահմանված պատժամիջոցներին:
«Մենք չենք կարող անել որևէ բան, որը չունի իրավական հիմք։ Մենք կհետևենք ՄԱԿ-ի պատժամիջոցներին, այդպիսին է մեր համակարգը, մեր օրենքի գերակայությունը»,- հայտարարել է Լին։
Տաթև Ֆռանգյան
