01.11.2026 | 10:44
Արտարժույթների փոխարժեքները՝ նոյեմբերի 1-ի դրությամբ
Ինդոնեզիայի ԱԳՆ ղեկավարը հաստատել է Պուտինի և Զելենսկու մասնակցությունը G20-ին
Քաղաքականություն
11.10.2022 | 17:35
Ինդոնեզիայի արտաքին գործերի նախարար Ռետնո Մարսուդին հաստատել է, որ Ռուսաստանի և Ուկրաինայի նախագահներ Վլադիմիր Պուտինն ու Վլադիմիր Զելենսկին մասնակցելու են Բալիում կայանալիք G20 գագաթնաժողովին, հայտնում է ՌԻԱ Նովոստին։
«Մեր հրավերի արձագանքը դեռ դրական է»,- ասել է արտգործնախարարը Ջակարտայում կայացած մամուլի ասուլիսում։
Նա նշել է, որ «աշխարհի ներկայիս իրավիճակn անկայուն է», սակայն իր գրասենյակը «շարունակում է կապ հաստատել երկու երկրների ղեկավարների հետ»։ Պաշտոնյան նաև ասել է, որ Ինդոնեզիայի կառավարությունը գործադրել է բոլոր ջանքերը, որպեսզի հրավիրված բոլոր երկրները կարողանան մասնակցել G20-ի գագաթնաժողովին։
Նշենք, որ G20-ի գագաթնաժողովն անցկացվելու է Բալիում նոյեմբերի 15-16-ը։
Վլադիմիր Պուտինը հայտնել է, որ գագաթնաժողովին հրավեր ստացել է, սակայն կորոշի անձնական մասնակցության հարցը՝ ելնելով իրավիճակի զարգացումից։
Վլադիմիր Զելենսկիի մամուլի քարտուղար Սերգեյ Նիկիֆորովն էլ անցյալ շաբաթ հայտնել էր, որ Ուկրաինայի նախագահը դեռ վերջնական որոշում չի կայացրել Բալի ուղևորության վերաբերյալ։
Տաթև Ֆռանգյան
