07.10.2026 | 23:48
Արթուր Դանիելյանը կալանավորվեց
«Զվարթնոց» օդանավակայանի ոստիկանները գողություններ են բացահայտել
Հասարակություն
08.10.2022 | 12:18
Սեպտեմբերի 30-ին, ժամը 15.30-ին, ոստիկանության «Զվարթնոց» օդանավակայանի գծային բաժնում մի քաղաքացի տվել է հաղորդում, որ րոպեներ առաջ անվճար ավտոկայանատեղիում, երբ տաքսի գտնելու համար հեռացել է իրերից, գողացել են իր ուղեբեռը, որի մեջ կային փաստաթղթեր, անձնական իրեր և փող:
Գծային բաժնի քրեական հետախույզների ձեռնարկած օպերատիվ միջոցառումների արդյունքում պարզվել է, որ գողությունը կատարել է Բաղրամյան գյուղի բնակիչ, 49-ամյա մի տղամարդ: Նա նույն օրը հայտնաբերվել ու ձերբակալվել է, ապա ներկայացվել քննչական բաժին. տեղեկացնում են ՀՀ ոստիկանությունից։
Հոկտեմբերի 1-ին նույն քննչական բաժին է ներկայացվել նաև մայրաքաղաքի բնակիչ, 50-ամյա մի տղամարդ: Այդ օրը «Զվարթնոց» օդանավակայանի գծային բաժին էր դիմել մի վանաձորցի: Ըստ նրա` վճարովի ավտոկայանատեղիում բեռնասայլակի վրայից գողացել էին տնային տեսալուսանկարահանող ձայնային սարքը: Այս դեպքում ևս օդանավակայանի քրեական հետախույզների միջոցառումն արագ արդյունք տվեց:
Արագ և օպերատիվ գործողությունների արդյունք էր նաև, որ երկու դեպքով էլ գողոնը հայտնաբերվել է:
