02.11.2026 | 10:40
Կիմի Անտոնելին Ֆորմուլա-1-ի ամենաերիտասարդ չեմպիոնն է պատմության մեջ
Ալիևը նոր պատերազմի կգնա՞՝ խախտելու ՀՀ կարմիր գծերը, թե՞ կկատարի խաղաղության գնալու խոստումները․ ՏԵՍԱՆՅՈՒԹ
Քաղաքականություն
07.10.2022 | 20:45
Համաձայնություն՝ երկու հարցի, անհամաձայնության՝ մեկ կետի շուրջ։ Պրահայում Նիկոլ Փաշինյանի և Իլհամ Ալիևի հանդիպումն ավարտվեց արդյունքների այսպիսի հաշվով։ Ըստ հինգշաբթի ուշ երեկոյան ՀՀ Կառավարության հրապարակած հայտարարության՝ Հայաստանն ու Ադրբեջանը հաստատում են իրենց հանձնառությունը ՄԱԿ-ի կանոնադրությանը և 1991 թվականի Ալմա-Աթայի հռչակագրին, որոնցով երկու կողմն էլ ճանաչում են միմյանց տարածքային ամբողջականությունն ու ինքնիշխանությունը:
Հայաստանը համաձայնվել է խրախուսել ԵՄ-ի քաղաքացիական առաքելությունը Ադրբեջանի հետ սահմանի երկայնքով տեղակայումը։ Ադրբեջանը համաձայնել է համագործակցել նշյալ առաքելության հետ՝ այնքանով, որքանով առնչություն կունենա:
Առաքելությունն իր աշխատանքները կսկսի հոկտեմբերից՝ երկու ամիս ժամկետով։ Դրա նպատակը կլինի վստահության կառուցումը և իր զեկույցների միջոցով սահմանային հանձնաժողովներին աջակցելը։ Սահմանազատման հանձնաժողովների աշխատանքի համար հիմք կհանդիսանա Ալմա-Աթայի հռչակագրով միմյանց տարածքային ամբողջականության ճանաչումը։ Այդ հանձնաժողովները կհանդիպեն Բրյուսելում հոկտեմբերին։
Եվ կարևոր մեկ անհամաձայնության մասին․ Նիկոլ Փաշինյանը Թվիթերում հայտնել է, որ Պրահայում Ադրբեջանը դրական պատասխան չի տվել տարածաշրջանային հաղորդակցության ուղիների ապաշրջափակման՝ Հայաստանի առաջարկին։ Միաժամանակ, Փաշինյանը հաստատել է Հայաստանի առաջարկը՝ բոլոր տարածաշրջանային հաղորդակցությունների ապաշրջափակման վերաբերյալ․ «Հայաստանը պատրաստ է բոլոր տարածաշրջանային հաղորդակցությունների ապաշրջափակմանը` հարգելով մեր ինքնիշխանությունը և օրենսդրությունը»։
Մինչդեռ Պրահայից հետո Ալիևը, թեև «Զանգեզուրի միջանցք» արտահայտությունը չի օգտագործել, բայց պնդել է՝ Հայաստանը չի ուզում ինքնակամ տալ ավտոճանապարհ դեպի Նախիջևան։ Եվ մեղադրել է ստանձնած պարտավորությունները խախտելու մեջ՝ հղում անելով նոյեմբերի 9-ի փաստաթղթին։
Ինչպիսի՞ն են Պրահայում տեղի ունեցած հանդիպման արդյունքները և ի՞նչ է սպասվում առաջիկայում։ Factor TV-ի եթերում հրավիրված քննարկմանը մասնակցում են քաղաքագետ Սամվել Մելիքսեթյանը, միջազգայնագետ Դավիթ Կարապետյանը, «Ազատ Հայաստան» նախաձեռնության ղեկավար Էդգար Առաքելյանը, ադրբեջանագետ Տարոն Հովհաննիսյանը։
Մանրամասները՝ տեսանյութում։
