07.06.2026 | 17:08
Աբովյանում համատիրության նախագահը ձերբակալվել է քվեարկության գաղտնիությունը խախտելու կասկածանքով. ՔԿ
Ալլա Պուգաչովայի թոռանը մոբիլիզացիայի շրջանակում զորակոչել են բանակ
Քաղաքականություն
07.10.2022 | 22:51
Երգչուհի Ալլա Պուգաչովայի թոռը՝ Նիկիտա Պրեսնյակովը, մոբիլիզացվել է Մոսկվայի Գուբերնսկի թատրոնից, հայտնում է Հինգերորդ ալիքը՝ վկայակոչելով թատրոնին մոտ կանգնած աղբյուրը։
Թատրոնի մամուլի ծառայությունից նախ հրաժարվել են մեկնաբանություն տալ, իսկ ավելի ուշ տեղեկություններ են հայտնվել, որ թատրոնը հերքել է հաղորդագրությունը։ Լրագրողները սպասում են զինկոմիսարիատից հաստատմանը, գրում է EADaily-ն։
Նիկիտա Պրեսնյակովը 31 տարեկան է, ծնվել է 1991 թվականին Լոնդոնում։ Նրա ծնողներն են ՌԴ վաստակավոր արտիստ Քրիստինա Օրբակայտեն և երգիչ Վլադիմիր Պրեսնյակով կրտսերը։
Հիշեցնենք, որ Ալլա Պուգաչովան սեպտեմբերի 29-ին իր մանկահասակ երեխաների հետ մասնավոր ինքնաթիռով մեկնել է Ռուսաստանի Դաշնությունից։ Ավելի վաղ նա բացասաբար էր արտահայտվել Ռուսաստանի իշխանությունների մասին։ Պուգաչովայի ամուսինը՝ հումորիստ Մաքսիմ Գալկինը, որն ավելի վաղ Ռուսաստանի Դաշնությունում ճանաչվել էր որպես օտարերկրյա գործակալ, նույնպես լքել է Ռուսաստանը։
Տաթև Ֆռանգյան
