09.10.2026 | 19:28
ՄԱԿ-ը «մտահոգությամբ» է հետևում Ֆրանսիայում դպրոցական բողոքի ցույցերի ընթացքում բռնություններին
Իրանական անօդաչուները HIMARS-ներ չեն և էապես չեն ազդի պատերազմի ընթացքի վրա․ ISW
Քաղաքականություն
07.10.2022 | 22:08
Պատերազմի ուսումնասիրման ամերիկյան ինստիտուտը (ISW) ուկրաինական պատերազմի ամենօրյա վերլուծության մեջ գրում է, որ Ռուսաստանի կողմից իրանական անօդաչու սարքերի օգտագործումը չի տալիս այն ազդեցությունը, ինչպիսին HIMARS հրթիռային կայաններն են ազդել պատերազմի ընթացքի վրա՝ հայտնվելով Ուկրաինայի բանակի սպառազինությունում, գրում է BBC-ի ռուսական ծառայությունը։
«Ռուսական բանակը, կարծես, չի փորձում այդ անօդաչուների հարվածներն ասիմետրիկ կերպով կենտրոնացնել ճակատին մոտ առանցքային կետերում։ Նրանք շատ անօդաչուներ են գործարկել թիկունքում քաղաքացիական թիրախների դեմ, հավանաբար, հուսալով ահաբեկչության միջոցով հասնել հաջողության։ Այդ գործողությունները հաջողություն չեն բերում»,- նշել են ինստիտուտի վերլուծաբանները։
Ուկրաինացիները, ստանալով ամերիկյան HIMARS կայանները, սկսել են օգտագործել դրանց հեռահար ու ճշգրիտ հրթիռները առաջին հերթին զենքի պահեստներին, ռուսների թիկունքում գտնվող շատբներին ու հաղորդակցություններին հարվածելու համար և, ինչպես կարծում են ռազմական փորձագետները, մեծապես դրա շնորհիվ է հաջողվել ճակատում իրավիճակը փոխել։
Էմմա Չոբանյան
