04.10.2026 | 20:00
1700 տոննա աղբ՝ օրական․ ինչ գնով է մաքրվում Երևանը. աղբահանության ՇԵՐՏԵՐԸ․ ՏԵՍԱՆՅՈւԹ
Բաքուն Ստեփանակերտի հետ կնստի՞ բանակցային սեղանի շուրջ. Փաշինյանի հայտարարությունը վտանգավոր են համարում․ ՏԵՍԱՆՅՈՒԹ
Քաղաքականություն
06.10.2022 | 22:20
Խաղաղության պայմանագրի ենթադրյալ տեքստից արցախյան հիմնախնդիրը դուրս թողնելու՝ Նիկոլ Փաշինյանի և իշխանության մյուս անդամների հայտարարությունները փորձագիտական շրջանակները մտահոգիչ են համարում։ Քաղաքագետ Տիգրան Գրիգորյանի խոսքով՝ ամենաբարձր մակարդակով նման հայտարարությունները խիստ վտանգավոր են։
Հիշեցնենք՝ Նիկոլ Փաշինյանն ավելի վաղ հայտարարել էր, թե Հայաստանի և Ադրբեջանի միջև կնքվելիք խաղաղության պայմանագրից պետք է առանձնացել Ղարաբաղի հարցը։
Քաղաքագետը նշում է՝ Ադրբեջանը Լեռնային Ղարաբաղը չի ճանաչում անգամ որպես վարչատարածքային միավոր, իսկ այս պայմաններում Ստեփանակերտի ու Բաքվի միջև բանակցություններն անհնար են։
Ընդդիմադիր պատգամավոր Աննա Գրիգորյանի խոսքով՝ եթե ստորագրվի փաստաթուղթ, որտեղ անդրադարձ չի կատարվելու Արցախին, ապա կնշանակի, որ «Արցախն Ադրբեջան է և վերջ»։
Փաշինյանը երեկ Ազգային ժողովում պնդել էր, որ դեռևս 1999-ին ԵԱՀԿ Ստամբուլյան անվտանգության խարտիայի վավերացման մասին որոշումներով, ապա նաև Մադրիդյան հայտնի սկզբունքներով Ռոբերտ Քոչարյանն ու Սերժ Սարգսյանն արդեն Արցախը ճանաչել են Ադրբեջանի կազմում։ Քոչարյանի թիմակիցներից Աննա Գրիգորյանը, որը նախկինում Փաշինյանի թիմակիցն էր, նրան մեղադրում է կեղծիք տարածելու համար։
Տիգրան Գրիգորյանի խոսքով՝ Մադրիդյան սկզբունքներն Արցախի քիչ, թե շատ հայանպաստ լուծմանն են միտված եղել։
ԱԺ նախագահ Ալեն Սիմոնյանը, որը նախօրեին լրագրողների հետ զրույցում ասել էր, թե Արցախ բառը չպետք է լինի Հայաստանի և Ադրբեջանի միջև կնքվելիք խաղաղության պայմանագրի տեքստում, այսօր էլ նշեց՝ Բաքվից լավատեսություն ներշնչող հայտարարություներ են հնչում։
«Հայաստան» դաշինքի պատգամավոր Աննա Գրիգորյանն Ալեն Սիմոնյանի լավատեսական հայտարարությունների ֆոնին ստեղծված իրավիճակն է մատնացույց անում։
Արցախի ԱԳ նախարար Դավիթ Բաբայնը երեկ Factor TV-ի հետ զրույցում ասել էր, որ Ստեփանակերտը երբեք չի հրաժարվել Բաքվի հետ երկխոսությունից, բայց այն պայմանով, որ վերականգնվի բանակցային լիարժեք ձևաչափը, որն ընդունել է ԵԱՀԿ-ն 1994 թվականի Լիսաբոնյան հիմնադիր գագաթնաժողովի ընթացքում։
Մանրամասները՝ տեսանյութում։
Նարեկ Կիրակոսյան
