14.10.2026 | 14:42
ԵՄ-ն Ուկրաինային 2,86 մլրդ եվրո է հատկացնում՝ ԱԹՍ-ների, հրթիռների և մարտի դաշտում առկա հրատապ կարիքների համար
Մեսիի հեթ-տրիկը հաղթանակ է բերել Արգենտինայի հավաքականին
30.05.2018 | 10:44
Ռուսաստանում կայանալիք ֆուտբոլի աշխարհի առաջնությանը պատրաստվող Արգենտինայի հավաքականն այս գիշեր ընկերական հանդիպում է անցկացրել Հաիթիի թիմի հետ եւ հաղթել 4:0 հաշվով. տեղեկացնում է sport.news.am-ը:
Բուենոս Այրեսի «Ալբերտո Արմանդո» ստադիոնում կայացած խաղում հեթ-տրիկի հեղինակ է դարձել «Բարսելոնայի» հարձակվող Լիոնել Մեսին, որը գոլերից մեկը խփել է 11 մետրանոցից: Հանդիպման վերջնական հաշիվը ձեւակերպել է անգլիական «Մանչեսթեր Սիթիի» հարձակվող Սերխիո Ագուերոն, որն աչքի է ընկել փոխարինման դուրս գալուց հետո:
Հիշեցնենք, որ ԱԱ-2018-ի խմբային փուլում աշխարհի գործող փոխչեմպիոնի մրցակիցները կլինեն Իսլանդիայի, Խորվաթիայի եւ Նիգերիայի հավաքականները։
Ընկերական խաղեր
Արգենտինա – Հաիթի՝ 4:0
Լիոնել Մեսի, 17 (11մ), 58, 66, Սերխիո Ագուերո, 69
Պերու – Շոտլանդիա՝ 2:0
Կրիստիան Կուեւա, 37 (11մ), Ջեֆերսոն Ֆարֆան, 47
Պանամա – Հյուսիսային Իռլանդիա՝ 0:0
