16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Կարեն Գիլոյանն այցելել է Երևանի օլիմպիական հերթափոխի պետական մարզական քոլեջ
06.10.2022 | 14:12
Ուսուցչի օրվա առթիվ ԿԳՄՍ նախարարի տեղակալ Կարեն Գիլոյանը մարզաշխարհի մի խումբ ներկայացուցիչների հետ այցելել է Երևանի օլիմպիական հերթափոխի պետական մարզական քոլեջ․ տեղեկացնում են ՀՀ ԿԳՄՍՆ-ից։
Շնորհավորելով մանկավարժներին՝ Կարեն Գիլոյանը շնորհակալություն է հայտնել նրանց կատարած աշխատանքի համար. «Դուք մի առանձնահատկություն ունեք՝ աշխատում եք ապագա մարզիկների հետ՝ քաջ գիտակցելով, թե որքան կարևոր է ունենալ կիրթ մարզիկ։ Այսօր ամեն ինչ ձեռքբերովի է՝ բացի ուղեղի աշխատանքից։ Մարզիկները սկզբում հաղթում են ուղեղով, ապա այլ հատկանիշներով, և նրանց հաղթանակում դուք մեծ ներդրում ունեք»:
ԵՕՀՊՄ քոլեջի տնօրեն Վաղինակ Գալուստյանը ևս շնորհավորել է ուսուցիչներին և կարևորել նրանց դերը քոլեջի կայացման ու զարգացման գործում:
Հանդիպման ավարտին ԿԳՄՍ նախարարի տեղակալը շրջայց է կատարել քոլեջի նորակառույց հանրակացարանային համալիրում և թանգարանում:
