01.11.2026 | 21:56
Լրագրողներն այցելել են բանակային դիրք ու ամրացված շրջան, հանդիպել Սուրեն Պապիկյանի հետ
Տոկաևն առաջադրվել է որպես Ղազախստանի նախագահի թեկնածու
Քաղաքականություն
06.10.2022 | 13:08
Ղազախստանում իշխող «Ամանաթ» կուսակցությունը նախագահի թեկնածու է առաջադրել երկրի գործող ղեկավար Կասիմ-Ժոմարտ Տոկաևին, համապատասխան որոշմանը կողմ են քվեարկել XXIV-ի արտահերթ համագումարի պատվիրակները, հայտնում է ՌԻԱ Նովոստիի թղթակիցը։
Որոշումն ընդունվել է միաձայն։ Ավելի վաղ Տոկաևի թեկնածությանն իրենց աջակցությունն էին հայտնել մի քանի հասարակական կազմակերպություններ և ասոցիացիաներ, այդ թվում՝ ազգային կամավորական ցանցը, Ղազախստանի քաղաքացիական դաշինքը, գեներալների խորհուրդը, երիտասարդական ասոցիացիայի Ղազախստան թիմը, Աֆղանստանի պատերազմի վետերանների ասոցիացիան, մարզիկների միությունը և այլն։
Ղազախստանում արտահերթ նախագահական ընտրությունները նշանակված են նոյեմբերի 20-ին: Նոր կանոնների համաձայն, նախագահը կարող է այդ պաշտոնն զբաղեցնել միայն մեկ անգամ, իսկ նախագահական ժամկետը կազմելու է յոթ տարի: Թեկնածուների առաջադրումն սկսվել է սեպտեմբերցի 23-ին և տևելու է մինչեւ հոկտեմբերի 11-ը։
Տաթև Ֆռանգյան
