16.09.2026 | 17:11
Գազայում շենքի փլուզման հետևանքով առնվազն 20 պաղեստինցի է զոհվել, տասնյակ մարդիկ փլատակների տակ են․ ՏԵՍԱՆՅՈՒԹ
Ուկրաինական բանակն առաջ է շարժվում երկրի հարավում և արևելքում
Քաղաքականություն
06.10.2022 | 11:26
Ռուսաստանի Դաշնության զորքերը փորձում են պահել ժամանակավոր օկուպացված տարածքները և չեն դադարում հարձակողական գործողությունները Բախմուտ և Ավդեևսկ ուղղություններով։ Որոշ շրջաններում ռուսական ուժերը վերախմբավորվում և դուրս են բերում ստորաբաժանումները, հայտնում է Ուկրաինայի Զինված ուժերի գլխավոր շտաբը հոկտեմբերի 6-ի առավոտյան տարածած հաղորդագրության մեջ։
BBC-ի ռուսական ծառայությունը հայտնում է, որ Ուկրաինայի զինված ուժերը շարունակում են հարձակումը Խերսոնի շրջանում։ Տարածաշրջանի հյուսիս-արևելքում ուկրաինացիները տասնյակ կիլոմետրեր առաջ են շարժվել։ Ճակատի հյուսիսարևելյան հատվածում շարունակվում է առաջխաղացումը Լուգանսկի շրջանի Սվատովո և Կրեմեննայա քաղաքների ուղղությամբ։
Ուկրաինայի ռազմաօդային ուժերի հրամանատարությունը պնդում է, որ չորեքշաբթիից հինգշաբթի գիշերը երկրի հարավում խոցվել են ռուսների իրանական արտադրության «Շահիդ-136» կամիկաձե 9 ԱԹՍ (Ռուսաստանում դրանք վերանվանվել են «Գերան»)։
Տաթև Ֆռանգյան
