17.02.2026 | 23:22
ՀՀ ԱԳ նախարարի տեղակալը Հռոմում ներկայացրել է COP17-ի Հայաստանի նախագահության առաջնահերթությունները
31 մլն դրամ՝ ԱԺ-ի ճաշարանն անհապաղ վերանորոգելու համար․ աշխատանքները մեկ անձից կատարվող գնման ընթացակարգով կիրականացվեն
Տնտեսություն
06.10.2022 | 09:30
Ազգային ժողովի բուֆետն անհապաղ վերանորգման կարիք ունի։ Այս խնդրով մտահոգ խորհրդարանի աշխատակազմը որոշման նախագիծ է մշակել ու ներկայացրել կառավարություն, որ մեկ անձից կատարվող գնման ընթացակարգով վերանորգում իրականացվի։
Նախագծի համաձայն՝ ԱԺ-ի բուֆետի վերանորոգման ու տեխնիկայի սարքավորումների թարմացման համար անհրաժեշտ է 31 մլն դրամ։
ԱԺ աշխատակազմից նախագծի հիմնավորումներում նշել են, որ ճաշարանը ցանկանում են ապահովելով ժամանակակից պրոֆեսիոնալ կենցաղային և հասարակական սննդի սարքավորումներով, օդափոխման համակարգով, սրահի համար նախատեսված կահույքով և սպասքով։ «Ճաշարանի պատերի և առաստաղի ներկը ճաքճքված է և գունաթափված, հատակի վինիլային ծածկույթը, նախասրահի պրեսգրանիտե սալիկները կոտրված են, տեղ-տեղ պոկված, խոհանոցային տեխնիկան՝ միկրոալիքային վառարանները, սառնարանները, գազօջախները և այլն մի քանի անգամ վերանորոգվել են, սակայն օգտագործման համար այլևս անվտանգ և պիտանի չեն, ճաշասրահում չի գործում օդափոխման համակարգը, որը չի ապահովում տհաճ հոտերի հեռացումը, օդի ներածման համակարգի բացակայության պատճառով չի կատարվում տարածքի լիարժեք օդափոխություն»,- մեկ անձից գնման միջոցով 31 մլն դրամանոց վերանորոգումն այսպես են հիմնավորել ԱԺ աշխատակազմից:
Նախագծում նշված չէ, թե որ ընկերությունն է իրականացնելու վերանորոգումը։ Factor.am-ն առաջիկայում թեմայի շուրջ այլ մանրամասներ կներկայացնի։
Նարեկ Կիրակոսյան
