08.09.2026 | 12:33
Բեռլինում բողոքի ցույցեր են․ ՏԵՍԱՆՅՈՒԹ
Ինչ է կատարվում «Երևան Սիթի» սուպերմարկետների ցանցում, ինչու են Փակ շուկայի որոշ տաղավարներ դատարկ. ԼՈՒՍԱՆԿԱՐՆԵՐ
Տնտեսություն
29.05.2018 | 22:01
Փակ շուկայի «Երևան Սիթի»-ի որոշ տաղավարներ դատարկ են, հատկապես բանջարեղենի և մսամթերքի բաժիններում: Թե որն է այս անսովոր դատարկության պատճառը, սուպերմարկետի աշխատակիցները չկարողացան նշել: Մեզ հետ զրույցում նրանցից մեկը միայն նշեց, որ գիշերը ակնկալվում է սուպերմարկետի ապրանքատեսականու ամբողջական վերահաշվարկ, և գուցե տաղավարների աչք զարնող դատարկությունը պայմանավորված է մատակարարների հետ ծագած խնդիրներով: Մենք փորձեցինք նաև պարզաբանում ստանալ սուպերմարկետի մենեջերներից, սակայն ապարդյուն, իսկ Մաշտոցի պողոտայի մասնաճյուղի հեռախոսահամարներին էլ ոչ ոք չպատասխանեց: Ի դեպ, աչք էր ծակում նաև այն, որ նկատելիորեն պակասել էին սուպերմարկետի աշխատակիցները, դե իսկ դրամարկղերում երեկոյան ժամերի համար սովորական հերթերն իսպառ վերացել էին, այն աստիճան, որ դրամարկղերի աշխատակիցները պարապությունից զրույցի էին բռնվել: Հիշեցնենք, որ
Ազգային անվտանգության ծառայությունը ստուգումներ է իրականացնում Հանրապետական խմբակցության պատգամավոր Սամվել Ալեքսանյանի ընտանիքին պատկանող «Երևանի Սիթի» սուպերմարկետներում:
