21.04.2026 | 17:45
Ադրբեջանը չի ապահովել Լեռնային Ղարաբաղի հակամարտությունից տուժած անձանց պաշտպանությունը. Amnesty International
Ֆիզիկայի Նոբելյան մրցանակը շնորհվել է երեք գիտնականի՝ քվանտային մեխանիկայի ոլորտում հետազոտությունների համար
Քաղաքականություն
04.10.2022 | 23:29
Ֆիզիկայի ոլորտում Նոբելյան մրցանակը շնորհվել է ֆրանսիացի Ալեն Ասպետին, ամերիկացի Ջոն Կլաուզերին և ավստրիացի Անտոն Ցեյլինգերին՝ քվանտային մեխանիկայի ոլորտում հետազոտությունների համար, գրում է BBC-ի ռուսական ծառայությունը։
2021 թվականին ևս ֆիզիկայի մրցանակը կիսեցին երեք գիտնականներ՝ Շուկուրո Մանաբեն, Կլաուս Հասելմանը և Ջորջիո Պարիսին՝ բարդ ֆիզիկական համակարգերը հասկանալու և Երկրի կլիման մոդելավորելու բեկումնային հայտնագործությունների համար։
Հոկտեմբերի սկզբին Ստոկհոլմում ավանդաբար տեղի է ունենում «Նոբելյան շաբաթը»: Ֆիզիկայի ոլորտում մրցանակաբաշխությունը հանձնվողներից երկրորդն է։
Առաջին օրը հայտնի են դառնում բժշկության և ֆիզիոլոգիայի բնագավառի դափնեկիրները։ Այս ոլորտում այս տարվա մրցանակը տրվել է մեկ անձի՝ շվեդ գենետիկ Սվանտե Պաաբոյին՝ անհետացած հոմինիդների գենոմների և մարդու էվոլյուցիայի ուսումնասիրության համար:
Դրան հաջորդում են շնորհանդեսներ ֆիզիկայի, քիմիայի, գրականության բնագավառում, իսկ շաբաթվա վերջում հայտարարվում է Խաղաղության Նոբելյան մրցանակակիրը, դա կարող է լինել ոչ միայն անհատ, այլ մի ամբողջ կազմակերպություն։
Սա միակ մրցանակն է, որը շնորհվում է ոչ թե Շվեդիայի, այլ Նորվեգիայի գիտությունների ակադեմիայի կողմից։
Բացի այդ, 1969 թվականից Շվեդիայի բանկի նախաձեռնությամբ ամենամյա մրցանակ է շնորհվում տնտեսագիտության ոլորտում՝ ի հիշատակ Ալֆրեդ Նոբելի, թեև այդ կատեգորիան ի սկզբանե գրված չի եղել նրա կտակում:
Տաթև Ֆռանգյան
