06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Վթարային շենքերը ե՞րբ է նախատեսվում ամրացնել կամ վերակառուցել․ հարց՝ Քաղաքաշինության կոմիտեի նախագահին․ ՏԵՍԱՆՅՈՒԹ
Տնտեսություն
04.10.2022 | 12:04
Վթարային շենքերը ե՞րբ է նախատեսվում ամրացնել կամ վերակառուցել․ «Քաղաքաշինության մասին օրենքում լրացում կատարելու մասին օրենք»-ի նախագծի քննարկման ժամանակ, դիմելով Քաղաքաշինության կոմիտեի նախագահ Արմեն Ղուլարյանին, այս հարցն ուղղեց պատգամավոր Սերգեյ Բագրատյանը։
Արմեն Ղուլարյանը Բագրատյանի հարցին ի պատասխան՝ ներկայացրեց առաջիկա միջոցառումները:Նրա խոսքով՝ քննարկվող լիազորող նորմերի ընդունմանը կհաջորդի բնակարանային ֆոնդի տեխնիկական վիճակի վերաբերյալ տեղեկատվական համակարգ ստեղծելուն առնչվող Կառավարության որոշման նախագծի մշակումը:
«Ըստ տեխնիկական վիճակի գնահատականի՝ կկարողանանք հասկանալ, թե ինչ պատկեր ունենք, որից հետո ձեռնամուխ կլինենք կոնկրետ միջոցառումների իրականացմանը»,- նշեց Քաղաքաշինության կոմիտեի նախագահը:
Արմեն Ղուլարյանը պարզաբանեց, որ թեև կանոնակարգերն ու ընթացակարգերը պետք է վերաբերեն և՛ անհատական բնակելի տներին, և՛ վթարային բազմաբնակարան շենքերին, սակայն պետք է հաշվի առնել այն հանգամանքը, որ բազմաբնակարան շենքերն ավելի խոցելի են:
Մանրամասները՝ տեսանյութում։
