14.09.2026 | 23:23
Պապիկյանի գլխավորած պատվիրակությունն աշխատանքային այցով մեկնել է Չինաստան
Չեխիան իր քաղաքացիներին կոչ է արել հեռանալ Ռուսաստանից
Քաղաքականություն
03.10.2022 | 21:23
Չեխիայի ԱԳՆ-ն կոչ է արել իր քաղաքացիներին՝ լքել Ռուսաստանը։ Այս մասին ասվում է գերատեսչության կայքում հրապարակված հաղորդագրությունում, գրում է ՌԲԿ-ն։
Դիվանագետները նաև զգուշացրել են քաղաքացիներին՝ զերծ մնալ Ռուսաստան մեկնելուց՝ «երկրում անվտանգության վատթարացման հնարավոր սպառնալիքի պատճառով, հատկապես ԵՄ-ի և ՆԱՏՕ-ի երկրների քաղաքացիների համար»։
«Չեխիայի ԱԳՆ-ն կոչ է անում քաղաքացիներին՝ լքել Ռուսաստանը»,- ասվում է ԱԳՆ հայտարարության մեջ։
Բոլոր նրանց, ովքեր որոշել են մնալ Ռուսաստանում՝ չնայած նախազգուշացումներին, գերատեսչությունը խորհուրդ է տալիս լինել «չափանզանց զգույշ, հետևել հավաստի ԶԼՄ-ների տեղեկատվությանն ու դուրս գալու պլան մշակել։ ԱԳՆ-ն նաև զգուշացրել է, որ նրանք, ովքեր ունեն ՌԴ քաղաքացիություն, պետք է հաշվի առնեն, որ Ռուսաստանում գտնվելիս ռուսական իշխանությունների կողմից ընկալվում են որպես ՌԴ քաղաքացի, և Մոսկվայում Չեխիայի դեսպանատունը չի կարող նրանց ապահովել համապատասխան, լիարժեք հյուպատոսական պաշտպանություն՝ մասնակի մոբիլիզացիայի հետ կապված։
Հավելենք, որ ավելի վաղ էլ ԱՄՆ-ը, Կանադան, Բուլղարիան, Իտալիան, Էստոնիան և Լեհաստանն էին կոչ արել իրենց քաղաքացիներին՝ լքել Ռուսաստանը։
Էմմա Չոբանյան
