08.06.2026 | 03:45
Ես բացառում եմ, որ ՔՊ-ն ընտրակեղծարարության մեջ ներգրավված լինի. Փաշինյան․ ՏԵՍԱՆՅՈՒԹ
ՆԱՏՕ-ի 8 երկիր կողմ է դաշինքին Ուկրաինայի անդամակցությանը․ Ռումինիայի նախագահ
Քաղաքականություն
02.10.2022 | 15:56
Ռումինիայի նախագահ Կլաուս Յոհանիսը Կենտրոնական և Արևելյան Եվրոպայից ՆԱՏՕ-ի անդամ երկրների յոթ այլ նախագահների հետ համատեղ հայտարարություն է ստորագրել՝ աջակցություն հայտնելով Հյուսիսատլանտյան դաշինքին Ուկրաինայի անդամակցությանը։ Այս մասին Ռումինիայի պետության ղեկավարը հայտնել է կիրակի օրը Twitter-ում, փոխանցում է ՏԱՍՍ-ը։
«Մենք վճռականորեն աջակցում ենք 2008 թվականին Բուխարեստում կայանալիք ՆԱՏՕ-ի գագաթնաժողովի որոշմանը Ուկրաինայի ապագա անդամակցության վերաբերյալ»,- ասվում է փաստաթղթում, որը տեղադրված է նախագահի աշխատակազմի կայքում։
Նշվում է, որ խոսքը նաև Լիտվայի, Լեհաստանի, Հյուսիսային Մակեդոնիայի, Սլովակիայի, Չեռնոգորիայի, Չեխիայի և Էստոնիայի նախագահների մասին է։
Համատեղ հայտարարությունն ստորագրած պետությունների ղեկավարներն աջակցություն են հայտնել Ուկրաինայի ինքնիշխանությանն ու տարածքային ամբողջականությանը, ինչպես նաև հայտարարել են, որ չեն ճանաչում Դոնեցկի և Լուգանսկի ժողովրդական հանրապետություններում, ինչպես նաև՝ Զապորոժիեի և Խերսոնի շրջաններում անցկացված հանրաքվեները։
