18.08.2026 | 22:17
Հայաստանի մի շարք հասցեներում էլեկտրաէներգիայի անջատումներ կլինեն
ԱՄՆ-ը ցանկանում է ստեղծել առանձին հրամանատարություն ուկրաինական բանակի մատկարարման և ուսուցման համար. New York Times
Քաղաքականություն
30.09.2022 | 16:42
Պենտագոնը դիտարկում է առանձին հրամանատարություն ստեղծելու ծրագիրը, որը կհամակարգի ուկրաինական բանակի ուսուցումը և Ուկրաինային ռազմական մատակարարումները։ Այս մասին հայտնել է New York Times-ը, գրում է BBC-ի ռուսական ծառայությունը։
Ենթադրվում է, որ այդ կազմակերպչական կառույցը պաշտոնականացնելու է գործընթացը ռուսական լավածավալ ներխուժումից հետո, ինչպես նաև արտացոլում է Ուկրաինայում պատերազմի տեսլականը՝ որպես երկարատև երևույթ։
Նշվում է, որ նոր հրամանատարությունը տեղակայվելու է Գերմանիայի արևմուտքում՝ Վիսբադենում, որտեղ գտնվում է Եվրոպայում ԱՄՆ ցամաքային զորքերի շտաբը։ Վիսբադենում արդեն անցկացվում է ուկրաինացիների ղեկավարությամբ ուսուցում։ Շտուտգարտից այնտեղ է տեղափոխվել հայտնի լոգիստիկ կենտրոն, որն Ուկրաինայի դիմումներով ընտրում է զենք ու տեխնիկա։
Այս կենտրոնն իրականացնում է Ռամշտայնի որոշումները Ուկրաինայի կոալիցիոն գործընկերների, որը միավորում է ավելի քան 40 երկիր, որոնցից մի քանիսը ՆԱՏՕ-ի անդամ չեն։ Նոր հրամանատարությունում ծառայելու է շուրջ 300 մարդ։
Ոչ վաղ անցյալում Պենտագոնը ստեղծել էր նման հրամանատարություններ Իրանի ու Աֆղանստանի բանակների ուսուցման ու զինման համար։ Պարբերականը նշում է, որ Պենտագոնում ձեռնպահ են մնում այդ կառույցի մասին հանրային խոսելուց, որպեսզի չսնուցեն ռուսական քարոզչական թեզը, թե Ուկրաինայում Ռուսաստանը պատերազմ է մղում ԱՄՆ-ի և ՆԱՏՕ-ի, այլ ոչ թե ուկրաինացի ժողովրդի և պետության դեմ։
Էմմա Չոբանյան
